ရုရှားအစိုးရကို ဝေဖန်သူ နာဗယ်ညီ လူအခွင့်အရေးဆုရရှိမှု နေတိုး ကြိုဆို

ရုရှားအစိုးရကို ဝေဖန်သူ အလက်ဇီနာဗယ်ညီကို ဥရောပလွှတ်တော်က နှစ်စဉ် ချီးမြှင့်နေကျ လူ့အခွင့်အရေးဆု ပေးအပ်ချီးမြှင့်တဲ့အတွက် မြောက်အတ္တလန္တိတ်စစ်ရေးမဟာမိတ်အဖွဲ့ နေတိုးရဲ့ အကြီးအကဲ ယန်း စတော့တန်ဘာ့ဂ်က ကြိုဆိုလိုက်ပါတယ်။

“ရုရှားနိုင်ငံအတွင်း အားကောင်းတဲ့အသံနဲ့ ဒီမိုကရက်တစ်တန်ဖိုးတွေကို ထောက်ပံ့ရာမှာ နှစ်ပေါင်းများစွာ ပါဝင်ခဲ့တဲ့ အရေးပါတဲ့ အခန်းကဏ္ဍကို အသိအမှတ်ပြုဖို့ အရေးကြီးတယ်လို့ ကျနော် ထင်တယ်” လို့ နေတိုးအတွင်းရေးမှူးချုပ်က သတင်းစာရှင်းလင်းပွဲမှာ ပြောကြားခဲ့ပြီး နာဗယ်ညီကို လွှတ်ပေးဖို့လည်း တောင်းဆိုလိုက်ပါတယ်။

အသက် ၄၅ နှစ်အရွယ် နာဗယ်လ်ညီဟာ ၂၀၂၀ ခုနှစ် ဩဂုတ်လအတွင်း အဆိပ်ခတ်ခံရပြီး အာရုံကြော အဆိပ်ခတ်ခံရတာလို့ အနောက်နိုင်ငံတွေက ပြောပါတယ်။

သူဟာ လွတ်ငြိမ်းချမ်းသာခွင့် ချိုးဖောက်မှုအတွက် ထောင်ဒဏ် ၂ နှစ်ခွဲ ပြစ်ဒဏ် ကျခံနေရပါတယ်။

နာဗယ်လ်ညီကို အဆိပ်ခတ်ထောင်ချတဲ့အတွက် ရုရှားအရာရှိတွေကို ဥရောပသမဂ္ဂက ဒဏ်ခတ်ခဲ့ပါတယ်။

More News
Up