တင်းနစ်အကျော်အမော် အန်ဒီမာရေး ယူရိုပီယံအိုးပင်းပြိုင်ပွဲ၌ ရှုံးနိမ့်ပြီး ထွက်ခဲ့ရ

ကမ္ဘာ့ နံပါတ်တစ် ဖြစ်ခဲ့ဖူးတဲ့ ဗြိတိန် တင်းနစ် အကျော်အမော် အန်ဒီမာရေးဟာ ယူရိုပီယံ အိုးပင်းပြိုင်ပွဲ ဒုတိယအကျော့ကနေ ထွက်သွားရပါတယ်။

အာဂျင်တီးနားက ပြိုင်ဘက် Diego Schwartzman နဲ့ ပွဲမှာ ၆-၄၊ ၇-၆ (၆) နဲ့ ရှုံးသွားတဲ့ မာရေးက ဒီပွဲမှာ စိတ်ဓာတ်ပိုင်းအားနည်းပြီး ဆုံးဖြတ်ချက်တွေလည်း မှားခဲ့တယ်လို့ ပွဲအပြီးမှာ ပြောပါတယ်။

၂၀၁၉ ခုနှစ်က ယူရိုပီယံအိုးပင်း ဖိုင်နယ်ဆုဖလားကို ရခဲ့ဖူးတဲ့ မာရေးဟာ လောလောဆယ်မှာ ကမ္ဘာ့အဆင့် ၁၇၂ ဖြစ်ပါတယ်။

သူဟာ ၂၀၁၈ နဲ့ ၂၀၁၉ ခုနှစ်တို့မှာ ခွဲစိတ်ကုသမှုခံယူခဲ့ပြီးနောက် အရင် ချန်ပီယံလက်စွမ်းကို ပြန်မရနိုင်တော့ဘဲ ဖြစ်နေတာပါ။

ပွဲအပြီးမှာ မာရေးက ပွဲကစားနေချိန်မှာ သူ့ စိတ်ပိုင်းဆိုင်ရာ အလွန်အားနည်းခဲ့သလို၊ ကွင်းနဲ့ အံဝင်ခွင်ကျ မဖြစ်တာကြောင့် ဆုံးဖြတ်ချက်တွေ မှားခဲ့တယ်လို့ ပြောပါတယ်။

မာရေးဟာ ဒီနှစ် ဝင်ဘယ်တန်မှာ တတိယအကျော့အထိ တက်နိုင်ခဲ့ပေမဲ့ ယူအက်စ် အိုးပင်းကနေလည်း ပထမအကျော့နဲ့ပဲ ထွက်ခဲ့ရပါတယ်။

More News
Up