ဆူဇူကီးဖလားတွင် ထိုင်း၊ ဖိလစ်ပိုင်၊ စင်ကာပူအသင်းများနှင့် မြန်မာ တွေ့ဆုံ

အာဆီယံဆူဇူကီးဖလားအုပ်စုခွဲဝေမှုကို ဒီကနေ့ နေ့လယ်ပိုင်းက ပြုလုပ်ခဲ့ရာမှာ မြန်မာအသင်းက ထိုင်း၊ ဖိလစ်ပိုင်၊ စင်ကာပူ နဲ့ ခြေစစ်ပွဲအဆင့်မှာ အနိုင်ရတဲ့အသင်းနဲ့ အုပ်စု A မှာ ကျရောက်ခဲ့ပါတယ်။ 

ခြေစစ်ပွဲအဆင့်မှာ အရှေ့တီမောနဲ့ ဘရူနိုင်းတို့ ယှဉ်ပြိုင်ရမှာ ဖြစ်ပါတယ်။ 

တခြားအုပ်စု B မှာ ဗီယက်နမ်၊ မလေးရှား၊ အင်ဒိုနီးရှား၊ ကမ္ဘောဒီးယားနဲ့ လာအိုအသင်းတို့ အတူတွေ့ဆုံခဲ့ပါတယ်။

အာဆီယံချန်ပီယံရှစ်ပွဲစဉ်တွေကို လာမယ့် ဒီဇင်ဘာ ၅ ရက်ကနေ ဇန်နဝါရီ ၁ ရက်အထိ ယှဉ်ပြိုင်သွားမှာပါ။ 

အိမ်ရှင်နိုင်ငံ ၁ နိုင်ငံ ဒါမှမဟုတ် ၂ နိုင်ငံ ကျင်းပမှာဖြစ်ပြီး ကမ္ဘောဒီးယား၊ အင်ဒိုနီးရှား၊ စင်ကာပူ၊ ထိုင်းနဲ့ ဗီယက်နမ်နိုင်ငံတွေက အိမ်ရှင်အဖြစ်ကျင်းပဖို့ စိတ်ဝင်စားနေတယ်လို့ သိရပါတယ်။ 

မြန်မာအသင်းဟာ  အာဆီယံဖလား သမိုင်းတလျှောက် ထိုင်းအသင်းပါတဲ့ အုပ်စုမှာ (၂၀၁၄၊ ၂၀၁၂၊ ၂၀၀၇၊ ၂၀၀၄၊ ၂၀၀၀၊ ၁၉၉၈) ၆ ကြိမ်အထိ အတူတွေ့ဆုံဖူးပြီး နိုင်ပွဲရယူနိုင်ခြင်း မရှိသေးပါဘူး။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up