ဘရာဇီးတွင် အသေးစားလေယာဉ် ပျက်ကျသဖြင့် လူ ၇ ဦး သေဆုံး

ဘရာဇီးနိုင်ငံ၊ ပီရာစီကာဘာမြို့ကနေ စက်တင်ဘာ ၁၄ ရက်က ပျံတက်လာတဲ့ အသေးစား လေယာဉ်တစီး ပျံတက်ပြီး မကြာခင် ပျက်ကျခဲ့လို့ လူ ၇ ဦး သေဆုံးသွားပါတယ်။

စီးပွားရေးလုပ်ငန်းရှင် သူကြွယ်ကြီး ဆယ်လိုစီလ်ဗေးရာမယ်လိုဖီလ်ဟိုနဲ့ သူ့ဇနီး၊ သူ့ကလေး ၃ ယောက်နဲ့ လေယာဉ်မှူး၊ တွဲဖက်လေယာဉ်မှူးတို့ သေဆုံးခဲ့တယ်လို့ ဒေသခံ အာဏာပိုင်တွေက ပြောပါတယ်။

လေယာဉ်က မော်ဂန်တီလေဆိပ်ကနေ ထွက်အပြီး ၁၅ စက္ကန့်အတွင်း ပျက်ကျခဲ့တာဖြစ်ပြီး  ပျက်ကျရတဲ့အကြောင်းရင်းကို စုံစမ်းစစ်ဆေးနေဆဲ ဖြစ်တယ်လို့ ပီရာစီကာဘာ ဒေသန္တရအစိုးရက ပြောပါတယ်။

လေယာဉ်ဟာ ဆောပေါ်လိုမြို့ နည်းပညာကောလိပ်နားက သစ်တောထဲကို ပျက်ကျခဲ့တာ ဖြစ်ပြီး ပေါက်ကွဲ မီးလောင်ခဲ့ပါတယ်။ 

သေဆုံးသူမိသားစုဟာ ဘရာဇီးရဲ့ အကြီးဆုံး ဇီဝလောင်စာထုတ်လုပ်သူ ကိုဆန်လုပ်ငန်းစုရဲ့ ရှယ်ယာရှင်တွေလို့ ရိုက်တာက ဖော်ပြထားပါတယ်။

More News
Up