ပြင်ဦးလွင်မြို့တွင် စစ်ကောင်စီက လုံခြုံရေး တင်းကြပ်စွာချထား

စစ်တပ်မြို့ဖြစ်တဲ့ ပြင်ဦးလွင်မြို့မှာ စက်တင်ဘာလ ၁၀ ရက်နေ့ကစပြီး စစ်ကောင်စီဘက်က မြို့ပြင်နဲ့ မြို့တွင်းရှိ နေရာတစ်ချို့မှာ ကင်းပုန်းများချထားပြီး လုံခြုံရေး ပိုမိုတင်းကြပ်ထားတယ်လို့ ဒေသခံတွေဆီက သိရပါတယ်၊၊

ပြင်ဦးလွင်မြို့မှာရှိတဲ့ ဘဏ်တစ်ချို့နဲ့ ရပ်ကွက်ရုံးတွေ၊ လမ်းဆုံ မီးပွိုင့်နေရာနဲ့ မော်တော်ပီကယ် ကင်းတဲရှိတဲ့ နေရာတွေမှာ ကင်းပုန်းတွေ ချထားတဲ့အပြင် ဘုန်းကြီးကျောင်းတစ်ချို့မှာလည်း တပ်စွဲထားတယ်လို့ ဒေသခံတွေက ပြောပါတယ်။

စက်တင်ဘာလ ၁၀ ရက်နေ့ မနက်ပိုင်းလောက်က စစ်ကား ၈ စီးနဲ့ တပ်မ ၈၈ ကို တင်ဆောင်လာခဲ့ပြီး တောင်ပေါ်နေရာတစ်ချို့နဲ့ ဘုရားအနီးတွေမှာ ကင်းလှည့်နေတဲ့အပြင် မသင်္ကာစရာ တွေ့ပါက ပစ်မိန့်ပေးထားတယ်လို့လည်း သိရပါတယ်။

More News
Up