ကမ္ဘာတဝန်း ကိုဗစ်-၁၉ ကူးစက်ခံရပြီး သေဆုံးသူအရေအတွက်ဟာ ၄ သန်းခွဲ ကျော်ရှိလာခဲ့ပြီး သိန်းချီသေဆုံးတဲ့ နိုင်ငံပေါင်း ၁၃ နိုင်ငံထိ ရှိလာနေပြီ ဖြစ်ပါတယ်။
တကမ္ဘာလုံး အတိုင်းအတာနဲ့ ကိုဗစ်-၁၉ ရောဂါကူးစက်ခံရသူအရေအတွက်က တော့ ၂၁၇ ဒသမ ၄၄ သန်းကျော်နဲ့ ရောဂါပြန်လည်ပျောက်ကင်းလာသူ အရေအတွက် ကတော့ ၁၉၄ ဒသမ ၃၃ သန်းကျော် ရှိနေတာပါ။
သိန်းချီသေဆုံးမှု အမြင့်ဆုံး နိုင်ငံတွေထဲမှာတော့ အမေရိကန်နိုင်ငံက သေဆုံးသူ ၆ သိန်းခွဲကျော်၊ ကူးစက်ခံရသူ ၃၉ ဒသမ ၆၆ သန်းကျေိာ်နဲ့ ထိပ်ဆုံးမှာရှိနေပြီး သူ့နောက် မှာတော့ ဘရာဇီးနိုင်ငံက သေဆုံးသူ ၅ သိန်း ၇ သောင်းကျော်၊ ကူးစက်ခံရသူ ၂၀ ဒသမ ၇၄ သန်းကျော်နဲ့ ရှိနေပါတယ်။
တတိယနေရာမှာတော့ အာရှနိုင်ငံတနိုင်ငံဖြစ်တဲ့ အိန္ဒိယနိုင်ငံက သေဆုံးသူ ၄ သိန်း ၃ သောင်းကျော်၊ ကူး စက်ခံရသူ ၃၂ ဒသမ ၇၄ သန်းကျော်နဲ့ ထိပ်ဆုံး ၃ နိုင်ငံအနေနဲ့ အသီးသီး ရပ်တည်နေပါတယ်။
အဲဒီ ၃ နိုင်ငံနောက်မှာတော့ မက္ကဆီကိုနိုင်ငံက သေဆုံးသူ ၂ သိန်းခွဲကျော်၊ ပီရူးနိုင်ငံ က ၁ သိန်း ၉ သောင်းကျေိာ်၊ ရုရှားနိုင်ငံက ၁ သိန်း ၈ သောင်းကျေိာ်၊ အင်ဒိုနီးရှားနဲ့ ယူ ကေနိုင်ငံတွေက ၁ သိန်း ၃ သောင်းကျေိာ်စီ၊ အီတလီနဲ့ ကိုလံဘီယာနိုင်ငံတွေက ၁ သိန်း ၂ သောင်းကျေိာ်စီ၊ ပြင်သစ်နဲ့ အာဂျင်တီးနားနိုင်ငံတွေက ၁ သိန်း ၁ သောင်းကျေိာ်စီနဲ့ အီ ရန်နိုင်ငံက ၁ သိန်းကျော်စီ ရှိနေတာ ဖြစ်ပါတယ်။
ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်း ၄ ထောင်ကျော်၊ စုစုပေါင်း သေဆုံးသူ ၄,၆၃၆ ရှိနေတာ ဖြစ်ပါ တယ်။
အာဆီယံဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါကူးစက်ပြန့်ပွားမှု အ မြင့်ဆုံးနိုင်ငံတွေအဖြစ် အင်ဒိုနီးရှား၊ ဖိလစ်ပိုင်၊ မလေးရှားနိုင်ငံတွေနဲ့အတူ ထိုင်းနိုင်ငံမှာပါ ရောဂါကူးစက်ခံရသူ ၁ သန်းကျော်လာခဲ့ပြီ ဖြစ်ပါတယ်။
မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၃ သိန်း ၉ သောင်းကျော်၊ သေဆုံးသူ ၁၅,၀၀၀ ကျော်နဲ့ အာဆီယံနိုင်ငံတွေထဲမှာ ကိုဗစ်-၁၉ ရောဂါကူးစက်မှုနဲ့ သေဆုံးမှုအများဆုံးနိုင်ငံတွေထဲမှာ ပါဝင်နေပါတယ်။
ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၄ သိန်းခွဲနီး ပါးနဲ့ သေဆုံးသူ ၁၁,၀၀၀ ကျော် ရှိနေပြီ ဖြစ်ပါတယ်။
ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်း ၂ ထောင်ကျော်နဲ့ သေဆုံးသူ ၁,၈၀၀ ကျော်ရှိနေပါတယ်။
စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်း ၇ ထောင် ကျော်နဲ့ သေဆုံးသူအရေအတွက် ၅၅ ယောက်ရှိနေတာ ဖြစ်ပါတယ်။
လာအိုနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁၄,၀၀၀ ကျော်နဲ့ သေဆုံးသူ ၁၄ ယောက်ရှိနေပြီး ဘရူနိုင်းနိုင်ငံမှာတော့ ရောဂါ ကူးစက်ခံရသူ ၂,၆၀၀ ကျော်နဲ့ သေဆုံးသူအရေအတွက် ၈ ယောက် ရှိနေပါတယ်။