မိုးမောက်မြို့နယ် ဒဂေါ်ကျေးရွာနှင့်ရွာတချို့ စားနပ်ရိက္ခာနှင့်ဆေးဝါး အရေးပေါ်လိုအပ်နေ

ကချင်ပြည်နယ် မိုးမောက်မြို့နယ်ရှိ အိမ်ခြေ ၈၀ ကျော်ရှိတဲ့ ဒဂေါ်ကျေးရွာအပါအဝင် မြို့နဲ့အလှမ်းဝေးတဲ့ ကျေးရွာတချို့မှာ စားနပ်ရိက္ခာနဲ့  ဆေးဝါးတွေ  ပြတ်လပ်နေပြီး အကူအညီ လိုအပ်နေတယ်လို့ ဒေသခံတွေက ပြောပါတယ်။

ကချင်ပြည်နယ်တစ်ခုလုံး stay at home ကြေငြာထားပြီး သွားရေးလာရေးမှာလည်း စစ်ဆေးမှုတွေ တင်းကြပ်နေတာကြောင့် ရွာသူရွာသားအများစု မြို့ပေါ်သိပ်မတက်ဖြစ်တော့ဘဲ ရှိ တာ ချွေတာစားနေရတာကြောင့် အကူအညီနဲ့ ထောက်ပံ့မှုတော့ လိုအပ်နေတယ်လို့ ဒေသခံရွာသားတစ်ဦးက ပြောပါတယ်။

ဒဂေါ်ကျေးရွာ နဲ့ ကျေးရွာတချို့မှာ သွားရောက်ကူညီဆောင်ရွက်သူပရဟိတသမား တစ်ဦးက “မိုးမောက်မြို့နယ်မှာ ကိုဗစ်ဖြစ်သူ ပိုးတွေ့လူနာတွေ အရမ်းများတော့ သူတို့မြို့ထဲသိပ် မရောက်ဖြစ်ကြဘူး။ ဆိုင်တွေလည်း ပိတ်တာများတယ်လေ။ ပရဟိတအဖွဲ့ တချို့လူတွေ တခါတလေ လာရောက်ထောက်ပံ့တာမျိုးရှိပေမယ့် ဆေးဝါးပစ္စည်းတွေ၊ စားနပ်ရိက္ခာတွေ လိုအပ်နေသေးတယ်။ ကူညီမှုတွေ လိုအပ်နေသေးတယ်” လို့ ပြောပါတယ်။

ဒဂေါ်ကျေးရွာဟာ မိုးမောက်မြို့နဲ့ ၇ မိုင်ခန့်ဝေးပြီး တောင်ပေါ်ကျေးရွာလည်း ဖြစ်ကာ နန့်စရီး ချောင်းကူး တံတားလည်း ပျက်စီးနေတာကြောင့် ဝါးနဲ့ အစားထိုးတည်ဆောက်သွားလာနေရတယ်လို့ ဆိုပါတယ်။

တံတားအသစ်မှာ NLD အစိုးရလက်ထပ်ကတည်းက တည်ဆောက်နေဆဲဖြစ်ပြီး မိုးတွင်းမှာ တောင်ကျရေ မကြာခဏကြီးနေတာကြောင့် သွားရေးလာရေး ခက်ခဲနေတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up