မတ္တရာမြို့တွင် စားဝတ်နေရေးအခက်အခဲရှိသူများအား အခြေခံစားသောက်ကုန်များ လှူဒါန်း

မန္တလေးတိုင်း မတ္တရာမြို့နယ်မှာ သြဂုတ် ၁၄ ရက် ညနေ ၃ နာရီက စားဝတ်နေရေး အခက်အခဲရှိသူတွေအား မျှဝေခြင်းလှူဒါန်းခြင်းအစီအစဉ်မှာ အခြေခံစားသောက်ကုန်တွေ လှူဒါန်းပေးခဲ့တယ်လို့ မြို့ခံပရဟိတအသင်းက သိရပါတယ်။ 

မြို့ခံအလှူရှင်တွေ စုပေါင်းလှူဒါန်းထားတာဖြစ်ပြီး မြန်မာနိုင်ငံလူမှု့ကယ်ဆယ်ရေးအဖွဲ့ (မတ္တရာမြို့) နဲ့ ထာဝရမေတ္တာရှင်သွေးလှူရှင်အသင်းတို့ကတဆင့် အမှန်တကယ်စားဝတ်နေရေး အခက်အခဲရှိသူတွေကို ဆန်၊ ဆီ၊ ဆား၊ ကြက်သွန်၊ ပဲ၊ ကြက်ဥ စတဲ့ အခြေခံစားသောက်ကုန်တွေကို လှူဒါန်းတာပါ။ 

သြဂုတ် ၁၄ ရက်က မတ္တရာမြို့ အမှတ် ၃ ရပ်ကွက်၊ အမှတ် ၄ ရပ်ကွက် နဲ့ အမှတ် ၅ ရပ်ကွက်အတွင်းမှာ စားဝတ်နေရေးခက်ခဲနေတဲ့ အိမ်ထောင်စု ၁၅၀ စုကို လှူဒါန်းပေးခဲ့ပြီး သြဂုတ် ၁၅ ရက်မှာတော့ အမှတ် ၁ ရပ်ကွက်နဲ့ ၂ ရပ်ကွက်တို့က အိမ်ထောင်စု ၂၀၀ ကိုလည်း ဆက်ပြီး လှူဒါန်းသွားမယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up