မကွေးတိုင်းဒေသကြီးဝန်ကြီးချုပ် ဒေါက်တာ အောင်မိုးညိုနဲ့ လွှတ်တော်ဥက္ကဋ္ဌ ဦးတာတို့ အကျဉ်းထောင်ထဲမှာ ကိုဗစ်-၁၉ ရောဂါကူးစက်ခံနေရတယ်လို့ ဝန်ကြီးချုပ်နဲ့ နီးစပ်တဲ့ အသိုင်းအဝိုင်းကနေ သိရပါတယ်။
ဝန်ကြီးချုပ် ဒေါက်တာအောင်မိုးညိုဟာ အောက်ဆီဂျင် ၉၀ အောက်ထိ ကျဆင်းနေပြီးတော့ လွှတ်တော် ဥက္ကဋ္ဌ ဦးတာဟာလည်း အောက်ဆီဂျင်ကျဆင်းနေတဲ့အပြင် ဆီးချို၊ သွေးချို ရောဂါအခံရှိတယ်လို့ ဆိုပါတယ်။
မကွေးတိုင်းဝန်ကြီးချုပ်နဲ့ လွှတ်တော်ဥက္ကဋ္ဌတို့ကို အာဏာသိမ်းစစ်ကောင်စီက အဂတိလိုက်စားမှု အပါအဝင် ပုဒ်မအမျိုးမျိုးနဲ့ ဖမ်းဆီးထောင်ချပြီး စစ်ဆေးနေတာ ဖြစ်ပါတယ်။