ထိုင်းတွင်အလုပ်လက်မဲ့နှုန်း မြင့်တက်၊ ၅ နှစ်အတွင်း အမြင့်ဆုံးစံချိန်တင်

ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာ အလုပ်လက်မဲ့နှုန်း မြင့်တက်လာခဲ့ပြီး ဒါဟာ ပြီးခဲ့တဲ့ ၅ နှစ်တာကာလအတွင်း အမြင့်ဆုံးစံချိန် ဖြစ်တယ်လို့ ဘန်ကောက်ပို့စ်သတင်းမှာ ဖော်ပြပါတယ်။

လတ်တလောမှာတော့ တခြားကဏ္ဍတွေနဲ့ နှိုင်းယှဉ်ရင် အိုင်တီကဏ္ဍကတော့  အလုပ်အကိုင်ခေါ်ယူမှု အမြင့်ဆုံးဖြစ်နေတယ်လို့ အလုပ်အကိုင်ရှာဖွေရေး အွန်လိုင်းပလက် ဖောင်းတခုဖြစ်တဲ့ JobsDB က ပြောပါတယ်။

“ထိုင်းနိုင်ငံရဲ့ အလုပ်လက်မဲ့နှုန်းဟာ ပထမ ၃ လပတ်အတွင်း ၁ ဒသမ ၉၆ ရာခိုင်နှုန်းနဲ့ ပြီးခဲ့တဲ့ ၅ နှစ်အတွင်း အမြင့်ဆုံးစံချိန် ရောက်ရှိလာခဲ့ပါတယ်။ ပြီးခဲ့တဲ့ ၂၀၂၀ ဒုတိယနှစ်ဝက်နဲ့ ယှဉ်ရင်တော့ ဒစ်ဂျစ်တယ်အလုပ်အကိုင်ရှာဖွေရေးပလက်ဖောင်းတွေမှာရော တခြားအွန်လိုင်းချန် နယ်တွေမှာပါ အလုပ်အကိုင်လိုအပ်မှုတွေ ပြန်လည်မြင့်တက် လာပြီး ၆ ဒသမ ၇ ရာခိုင်နှုန်းလောက် တိုးလာတယ်”လို့ ဒေသတွင်း မန်နေဂျာ ဖွန်လဒါ ဒါထရာဝီ ဘူလ်က ပြောပါတယ်။

၂၀၂၁ ခုနှစ် ပထမ ၆ လပတ်အတွင်း အလုပ်အကိုင်ခေါ်ယူမှုမှာတော့ အိုင်တီကဏ္ဍ က ၉ ဒသမ ၆ ရာခိုင်နှုန်းနဲ့ အများဆုံးဖြစ်ပြီး သူ့နောက်မှာ ကုန်ထုတ်လုပ်မှုကဏ္ဍက ၆ ဒသမ ၂ ရာခိုင်နှုန်း၊ လက်လီလက်ကားကဏ္ဍက ၅ ဒသမ ၅ ရာခိုင်နှုန်း၊ ဘဏ္ဍာရေးဝန် ဆောင်မှုကဏ္ဍက ၅ ဒသမ ၄ ရာခိုင်နှုန်းစီ အသီးသီးနဲ့ အစဉ်လိုက် ရပ်တည်နေတာပါ။

လိုအပ်မှုအများဆုံး အလုပ်အကိုင်တွေထဲမှာတော့ အရောင်း၊ ဧည့်ဝန်ဆောင်မှုနဲ့ စီး ပွားရေးဖွံ့ဖြိုးတိုးတက်မှုဆိုင်ရာ အလုပ်အကိုင်အုပ်စုက ၁၅ ဒသမ ၃ ရာခိုင်နှုန်းနဲ့ အမြင့် ဆုံးဖြစ်ပြီး သူ့နောက်မှာတော့ အိုင်တီအလုပ်အကိုင်အုပ်စုက ၁၄ ဒသမ ၈ ရာခိုင်နှုန်း၊ အင် ဂျင်နီယာအလုပ်အကိုင်အုပ်စုက ၁၀ ရာခိုင်နှုန်း၊ ဈေးကွက်နဲ့ လူထုဆက်ဆံရေးဆိုင်ရာ အလုပ်အကိုင်အုပ်စုက ၈ ဒသမ ၆ ရာခိုင်နှုန်းစီ အသီးသီး ရှိနေတယ်လို့ ဆိုပါတယ်။

ဒါ့အပြင် အလုပ်အကိုင်လိုအပ်ချက်နဲ့ အလုပ်လျှောက်ထားမှု အချိုးမှာတော့ ၁ အ ချိုး ၈၀ ရှိနေတယ်လို့ ဆိုပါတယ်။

ကိုဗစ်-၁၉ ကပ်ရောဂါ ရိုက်ခတ်မှုကြောင့် အလုပ်အကိုင် ခေါ်ယူမှုမှာ လက်လီ လက်ကားကဏ္ဍက ပြီးခဲ့တဲ့ မေလကနေ ဇူလိုင်လအတွင်း ၂၃ ရာခိုင်နှုန်းလောက် ကျ ဆင်းသွားခဲ့တယ်လို့ ဖွန်လဒါက ပြောပါတယ်။

ဒါ့အပြင် စားသောက်ကုန်၊ အဖျော်ယမကာနဲ့ ကျွေးမွေးဧည့်ခံရေးကဏ္ဍမှာလည်း ၁၈ ဒသမ ၈ ရာခိုင်နှုန်း ကျဆင်းခဲ့ပြီး ထုတ်လုပ်မှုကဏ္ဍမှာတော့ ၁၆ ဒသမ ၉ ရာခိုင်နှုန်း ကျဆင်းခဲ့တယ်လို့ ဆိုပါတယ်။

အိုင်တီ၊ ကုန်သွယ်မှုနဲ့ ဖြန့်ချိရေး၊ တယ်လီကွန်းအလုပ်အကိုင်ကဏ္ဍတွေကတော့ အလုပ်အကိုင်ခေါ်ယူမှုမှာ ၀ ဒသမ ၇ ရာခိုင်နှုန်း၊ ၀ ဒသမ ၉ ရာခိုင်နှုန်းနဲ့ ၁၄ ဒသမ ၃ ရာ ခိုင်နှုန်းစီ အသီးသီး မြင့်တက်ခဲ့တာပါ။

အလုပ်အကိုင်ရှာဖွေသူတွေကြားမှာတော့ ထုတ်လုပ်ရေးကဏ္ဍက ကြိုက်နှစ်သက်မှု အများဆုံးဖြစ်နေပြီး အဲဒီနောက်မှာတော့ တခြားအသက်မွေးဝမ်းကျောင်းဆိုင်ရာ ဝန် ဆောင်မှုလုပ်ငန်း၊ ကုန်သွယ်မှု၊ အင်ဂျင်နီယာနဲ့ အိုင်တီအလုပ်အကိုင်တွေရှိနေတာ ဖြစ်ပါတယ်။

နိုင်ငံရပ်ခြားမှာ အလုပ်လုပ်ကိုင်ချင်တဲ့ ထိုင်းနိုင်ငံသားတွေအနေနဲ့ ဩစတြေးလျ၊ ဂျပန်နဲ့ စင်ကာပူနိုင်ငံတွေက ရေပန်းအစားဆုံးနိုင်ငံတွေဖြစ်နေပြီး မီဒီယာ၊ အိုင်တီ၊ ဒစ်ဂျစ်တယ်သိပ္ပံ၊ အင်ဂျင်နီယာ အလုပ်အကိုင်တွေနဲ့ သွားရောက်လုပ်ကိုင်လိုကြတယ်လို့ ဆိုပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up