ထိုင်းတွင် တရက်တည်း ကိုဗစ်-၁၉ ပိုးတွေ့လူနာ ၁၈,၀၀၀ နီးပါး စံချိန်တင်တွေ့ရှိ၊ ကမ္ဘာ့ကူးစက်မှု အမြင့်ဆုံးအဆင့် ၄၂ ဖြစ်လာ

ထိုင်းနိုင်ငံမှာ တရက်တည်း ကိုဗစ်-၁၉ ပိုးတွေ့လူနာ ၁၇,၉၇၀ ယောက် ထပ်မံ စံချိန်တင်တွေ့ရှိခဲ့တယ်လို့ ထိုင်းပြည်သူ့ ကျန်းမာရေးဝန်ကြီးဌာနက ဩဂုတ် ၁ ရက်မှာ ထုတ်ပြန်ပါတယ်။

ပြီးခဲ့တဲ့ ၂၄ နာရီအတွင်း ကိုဗစ်-၁၉ ရောဂါကူးစက်ခံရပြီး သေဆုံးသူအရေအတွက်ကတော့ ပြီးခဲ့တဲ့ ရက်နဲ့အတူတူ ၁၇၈ ယောက် ရှိနေခဲ့တာပါ။

ပိုးတွေ့လူနာအသစ် ၁၈,၀၀၀ နီးပါးထဲမှာတော့ ထိုင်းနိုင်ငံတဝန်း အကျဉ်းထောင် တွေထဲက ၁၇၅ ယောက် ပါဝင်နေတယ်လို့ ဆိုပါတယ်။

ပြီးခဲ့တဲ့ ဧပြီ ၁ ရက်နေ့ကတည်းက စတင်ခဲ့တဲ့ ကိုဗစ်-၁၉ တတိယလှိုင်းမှာတော့ ထိုင်းနိုင်ငံတဝန်း ရောဂါကူးစက်ခံရသူပေါင်း ၆ သိန်းကျော်နဲ့ ပြန်လည်ပျောက်ကင်းသက် သာလာသူပေါင်း ၃ သိန်း ၉ သောင်းကျော် ရှိနေတယ်လို့ ဆိုပါတယ်။

လတ်တလောမှာတော့ တနိုင်ငံလုံးအတိုင်းအတာနဲ့ ရောဂါကူးစက်ခံရသူ စုစုပေါင်း ၆၃၃,၂၈၄ ယောက်နဲ့ သေဆုံးသူပေါင်း ၅,၁၆၈ ယောက်ရှိနေပြီး ကမ္ဘာ့နိုင်ငံတွေထဲ ကူး စက်မှုအမြင့်ဆုံး အဆင့် ၄၂ နေရာမှာ ရှိနေခဲ့တာပါ။

တကမ္ဘာလုံးအတိုင်းအတာနဲ့ ကိုဗစ်-၁၉ ရောဂါကူးစက်ခံရသူပေါင်း ၁၉၉ သန်း ကျော်၊ သေဆုံးသူပေါင်း ၄ ဒသမ ၂ သန်းကျော်နဲ့  ရောဂါပြန်လည်ပျောက်ကင်းသက်သာ လာသူစုစုပေါင်းကတော့ ၁၇၉ ဒသမ ၆ သန်းကျော် ရှိနေတာ ဖြစ်ပါတယ်။

ကိုဗစ်-၁၉ သန်းချီ ကူးစက်မှုအမြင့်ဆုံးနိုင်ငံတွေအနေနဲ့ အမေရိကန်၊ အိန္ဒိယနဲ့ ဘရာဇီးနိုင်ငံတွေက ထိပ်ဆုံး ၃ နိုင်ငံအနေနဲ့ ရပ်တည်နေတာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up