ဧရာဝတီတိုင်းအတွင်း မြို့နယ်အချို့ ရေကြီးမှုများကြောင့် နေအိမ် ၅၀၀ ကျော်ရွှေ့ပြောင်း

ဧရာဝတီတိုင်းမှာ ဇူလိုင်လ ၂၂ ရက်နေ့ကစတင်ကာ မိုးအဆက်မပြတ်ရွာသွန်းခဲ့တာကြောင့် မြို့နယ်အချို့ရေကြီးနစ်မြုပ်မှုကြောင့် နေအိမ် ၅၀၀ ကျော်ရွှေ့ပြောင်းခဲ့ရတယ်လို့ သိရပါတယ်။

ဧရာဝတီတိုင်း၊ ဟင်္သါတခရိုင်အတွင်းက ကြံခင်း၊ မြန်အောင်၊ အင်္ဂပူမြို့နယ်တွေက ကျေးရွာ အချို့မှာ ဇူလိုင်လ ၂၇ ရက်နေ့ ညနေပိုင်းကစတင်ကာ ရေကြီးတာတွေရှိလာလို့ ဒေသခံအချို့ နေအိမ်ရွှေပြောင်းတာတွေ ပြုလုပ်လာခဲ့တယ်လို့ မီးသတ်တပ်ဖွဲ့က သတင်းထုတ်ပြန်ပါတယ်။

"မိုးကနေ့တိုင်းလို့ ရွာနေတော့ ရေကတဖြည်းဖြည်းတိုးလာတာ မနေ့ကတော့ အနိမ့်ပိုင်းက ရွာတချို့စပြောင်းရတယ်၊ ဒီတိုင်း ဆက်ရွာနေမယ်ဆို အားလုံးပြောင်းရမှာ ဒီမနက်ပိုင်းတော့ မရွာသေးဘူး''လို့ ဒေသခံတဦးကပြောပါတယ်။

မိုးရွာသွန်းမှုကြောင့် ကြံခင်း၊ ဘက်ရဲ၊ မြန်အောင်နဲ့ အင်္ဂပူမြို့နယ်ဘက်က အနိမ့်ပိုင်းကျေးရွာတွေမှာ နေထိုင်တဲ့ ဒေသခံအိမ်ခြေ ၅၀၀ ကျော်လောက်ကို ရွေ့ပြောင်းပေးခဲ့ရတယ်လို့ ဆိုပါတယ်။

ရေတက်လာလို့ ရွှေ့ပြောင်းခဲ့ရတဲ့ ဒေသခံတွေကို နီးစပ်ရာ ဘုန်ကြီးကျောင်း၊ စာသင်ကျောင်းနဲ့ ဓမ္မာရုံတွေကို ရွှေ့ပြောင်းပေးထားတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up