ရုရှားတွင် တစ်ရက်တည်း ကိုဗစ်-၁၉ ကြောင့် ၇၈၆ ဦး စံချိန်တင်သေဆုံး

ရုရှားနိုင်ငံမှာ ဇူလိုင် ၁၄ ရက်က ကိုရိုနာဗိုင်းရပ်စ် ကူးစက်ခံ သေဆုံးသူ ဦးရေ ၇၈၆ ယောက်ရှိခဲ့လို့ ကိုဗစ်-၁၉ ကပ်ရောဂါ စတင်ကူးစက်ချိန်ကစပြီး တရက်တည်းမှာ အတည်ပြု ကူးစက်ခံ သေဆုံးသူဦးရေ အများဆုံး စံချိန်သစ် တင်သွားပါတယ်။

နိုင်ငံတဝန်းမှာတော့ တရက်တည်းအတွင်း အသစ်ကူးစက်ခံဦးရေ ၂၃,၈၂၇ ယောက် ရှိခဲ့တာပါ။ ကာကွယ်ဆေးထိုးနှုန်း နှေးကွေးနေပြီး ပိုးကူးစက်လွယ်တဲ့ ဒယ်လ်တာ ဗီဇမျိုးကွဲကလည်း ပျံ့နှံ့နေလို့ ကူးစက်ခံဦးရေ တိုးလာတာကို ရုရှားနိုင်ငံက ရင်ဆိုင်နေရပါတယ်။

ဒါကြောင့် တနိုင်ငံလုံးမှာ ကိုဗစ်-၁၉ ကူးစက်ခံ တရားဝင်ဦးရေဟာ ၅၈ သိန်း ၅ သောင်း ၇ထောင် ကျော်လာပြီး စုစုပေါင်း ကူးစက်ခံ သေဆုံးသူ ဦးရေက ၁၄၅,၂၇၈ ယောက် ရှိပြီလို့ အစိုးရ ကိုရိုနာဗိုင်းရပ်စ် အထူးလုပ်ငန်းအဖွဲ့က ပြောပါတယ်။

ဒါပေမဲ့ ပြည်ထောင်စု စာရင်းအင်းအေဂျင်စီက သီးခြားရေတွက်တဲ့ စာရင်းကို ပြုစုထားပြီး ရုရှားမှာ ဧပြီလက စလို့ ကိုဗစ်-၁၉ ကပ်ရောဂါ ကူးစက်ခံ သေဆုံးသူဦးရေ ၂၉၀,၀၀၀ လောက် ရှိတယ်လို့ ပြောထားပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up