ဆီမီးဖိုင်နယ်အဆင့်က ကျေနပ်စရာအောင်မြင်မှုမဟုတ်ဟု နည်းပြ ဆောက်ဂိတ်ပြော

ယူရို ၂၀၂၀ ဆီမီးဖိုင်နယ်အဆင့်ကို တက်လှမ်းနိုင်ခဲ့ပေမယ့် ဒီအောင်မြင်မှုဟာ အသင်းသားတွေအတွက် ကျေနပ်လောက်စရာ အောင်မြင်မှုမဟုတ်သေးကြောင်း အင်္ဂလန်နည်းပြ ဆောက်ဂိတ်က ပြောပါတယ်။ 

အင်္ဂလန်အသင်းဟာ ပြီးခဲ့တဲ့ ၂၀၁၈ ကမ္ဘာ့ဖလားတုန်းက ဆီမီးဖိုင်နယ်အဆင့်နဲ့ ကျေနပ်ခဲ့သလို ယူအီးအက်ဖ်အေ နေးရှင်းလိဂ်ဖလားမှာလည်း ဆီမီးဖိုင်နယ် တက်ရောက်နိုင်ခဲ့တာပါ။ 

အခုနှစ် ယူရိုပြိုင်ပွဲမှာလည်း ဆီမီးဖိုင်နယ် တက်ရောက်ခဲ့ပေမယ့် ကျေနပ်စရာမဟုတ်သေးကြောင်း နည်းပြဆောက်ဂိတ်က ပြောပါတယ်။ 

“လွန်ခဲ့တဲ့ ၃ နှစ်တုန်းကလိုမျိုး ဆီမီးဖိုင်နယ်တစ်ခုကို တက်ရောက်နိုင်ခဲ့တာလောက်နဲ့ လုံးဝ မကျေနပ်နိုင်ပါဘူး။ ဒီအချိန်မှာတော့ အဲဒီအချိန်တုန်းက လုပ်ဆောင်ခဲ့သလိုမျိုး တဖန်ပြန်လုပ်ပြနိုင်ခဲ့ပါပြီ။ ဒါပေမဲ့ ဒီအဆင့်က အသင်းသားတွေရဲ့ စိတ်အာသီသကို ဖြေသိမ့်နိုင်မှာတော့ မဟုတ်ပါဘူး။ ဒါက အပေါင်းလက္ခဏာဆောင်တဲ့ သင်ခန်းစာတစ်ခု ဖြစ်ပါတယ်” လို့ နည်းပြ ဆောက်ဂိတ်က ပြောပါတယ်။ 

နောက်ထပ်ကောင်းမွန်တဲ့အချက်က ကစားသမားတွေဟာ အတွေ့အကြုံကောင်းတွေ ပိုများလာပြီး ပရိသတ်တွေနဲ့ ကောင်းမွန်တဲ့ဆက်ဆံရေး ရှိလာတယ်လို့ နည်းပြ ဆောက်ဂိတ်က ချီးကျူးခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up