ဖက်ဆစ်​တော်လှန်​ရေး​နေ့ စစ်တပ်၏ ပစ်ခတ်မှုကြောင့် မန္တ​လေးတွင် ၁၀ ဦးထက်မနည်းသေဆုံး

မန္တ​လေးမှာ မတ်လ ၂၇ရက်၊ ဖက်ဆစ်​တော်လှန်​ရေး​နေ့က စစ်တပ်နဲ့ရဲ​တွေရဲ့ အကြမ်းဖက် ပစ်ခတ်မှု​ကြောင့် ကျဆုံးသူပြည်သူ   ၁၀ဦး ထက်မနည်းရှိတယ်လို့ လူမှုကူညီ​ရေး အသင်း​တွေထံက သိရပါတယ်။

ဒီက​နေ့မှာ မနက် ၆နာရီခန့်ကတည်းက စစ်တပ်နဲ့ ရဲ​တွေက ​နေရာအနှံ့မှာ အကြမ်းဖက် ပစ်ခတ်မှု​တွေ လုပ်​ဆောင်​နေတာဖြစ်ပြီး ​ဒီကနေ့ ည​နေပိုင်းအထိ ​သေဆုံးသူ ၁၀ဦး ​တွေ့ရှိခဲ့တယ်လို့ လူမှုကူညီ​ရေးအသင်း​တွေက ​ပြောပါတယ်။​

သေဆုံးသူ​တွေဟာ ဦး​ခေါင်းကို ထိမှန်ပြီး ဦး​နှောက်ပွင့်သွားတာ၊ဦး​ခေါင်းကို ကျည်ထိမှန်တာ၊ဆီးခုံကို ကျည်ထိမှန်တာ၊ရင်ဘတ်ကို ကျည်ထိမှန်တာ၊နှလုံးကို ကျည်ထိမှန်တာ စတဲ့ဒဏ်ရာ​တွေ​ကြောင့် ​သေဆုံးခဲ့ရတယ်လို့ သိရပါတယ်။​

သေဆုံးသူ​တွေဒိထက် မကပိုများနိုင်တယ်လို့လည်း ကယ်ဆယ်ရေးအဖွဲ့တွေက ပြောပါတယ်။

ဒါ့အပြင် ထိခိုက်ဒဏ်ရာရသူ ၅၀ခန့်အထိကို ကူညီ​ပေးခဲ့ရတယ်လို့လည်း ​ပြောပါတယ်။လူမှုကူညီ​ရေးအသင်း​တွေနဲ့ ချိတ်ဆက်သူစာရင်းသာ ဖြစ်ပြီး သီးခြား ​နေရာ​တွေမှာ ကုသသူ​တွေလည်း ရှိနိုင်တယ်လို့ သိရပါတယ်။

မြန်မာပြည်တဝန်းမှာတော့ ဒီနေ့ ဖက်ဆစ်တော်လှန်ရေးနေ့မှာ တရက်တည်း မြန်မာဖက်ဆစ်အကြမ်းဖက်စစ်တပ်ရဲ့ ပစ်ခတ်သတ်ဖြတ်မှုကြောင့် ကလေးငယ်တွေ အပါအဝင် ပြည်သူ ၁၀၀ ကျော်သေဆုံးခဲ့ပါတယ်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up