ရေးမြို့၌ စစ်အာဏာရှင်ဆန့်ကျင်ရေး ပြည်သူများငြိမ်းချမ်းစွာဆန္ဒဆက်ပြ

မွန်ပြည်နယ်၊ ရေးမြို့မှာ  မတ် ၈ ရက် မနက်က   စစ်အာဏာရှင်ဆန့်ကျင်ရေးပြပွဲကို ထောင်နဲ့ ချီတဲ့ ပြည်သူတွေက ငြိမ်းချမ်းစွာ ပြုလုပ်ခဲ့ကြပါတယ်။

ဆန္ဒပြတဲ့သူတွေကို အင်အားသုံးဖြိုခွင်းမှု မရှိပေမဲ့  စစ်တပ်နဲ့ရဲတွေက ရေးဆေးရုံမှာ မနေ့ကတည်းက တပ်စွဲထားပြီး ဒီနေ့မနက်အထိထလည်း ဆက်လက်တပ်စွဲထားပါတယ်။ 

ရေး-အစင် သွားကားလမ်းမှာလည်း အစင် စံပြကျေးရွာနဲ့ ဇီးဖြူသောင်ရွာမှ ဆန္ဒပြလာမယ့် လူတွေမလာနိုင်အောင် စစ်တပ်နဲ့  ရဲတွေက ပိတ်ဆို့နေရာယူထားခဲ့တယ်လို့ ဒေသခံတွေက ပြောပါတယ်။

လက်ရှိ ရေးမြို့နယ်မှာ ဆေးရုံအနီးနားလမ်းမကြီးနဲ့ လမ်းကြိုလမ်းကြားတွေပါမကျန် လုံခြုံ ရေးတပ်ဖွဲ့တွေ မဖြိုခွင်းနိုင်ဖို့ ဆန္ဒပြတဲ့သူတွေက ပိတ်ဆို့ထားခဲ့သလို ရေးမြို့ မြသီတာဈေးနဲ့ ဝင်းသုခရတနာရွှေဈေးကြီးမှာပါ ရောင်းချသူတွေမရှိဘဲ ပိတ်ထားခဲ့ကြပါတယ်။

စစ်ဏာရှင်ဆန့်ကျင်ရေး ၂၉ ရက်မြောက်နေ့အဖြစ် မတ်လ ၈ ရက်နေ့ နံနက်ပိုင်းကစပြီး ရေးမြို့မှာ ရဲနဲ့စစ်တပ်က မြို့အနှံ့လိုက်လံဖြိုခွင်းနေပေမဲ့  ထောင်နဲ့ချီတဲ့ ဒေသခံပြည်သူတွေက စစ်အာဏာရှင်ဆန့်ကျင်ရေး မြို့အတွင်း လှည့်လည်ခဲ့ကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up