A d v e r t i s e m e n t With Us

မုံရွာတွင် စစ်အာဏာရှင်ဆန့်ကျင်ရေး ဆန်ကောတော်လှန်ရေး စတင်

စစ်အာရှင်ကို ဆန့်ကျင်ကန့်ကွက်တဲ့ ဆန်ကောတော်လှန်ရေးကို မုံရွာမြို့မှာ ဒီနေ့စတင်လိုက်ပြီး  သပိတ်စစ်ကြောင်း ဦးဆောင်သူတွေက ဆန်ကောအချပ်ရေ ရာဂဏန်းလောက်နဲ့  အကောင်အထည်ဖော်ခဲ့ကြပါတယ်။ 

ဆန်ကောတွေက ဒေသထွက်လက်မှုပစ္စည်းတွေဖြစ်သလို အိမ်တိုင်း နီးပါးမှာလည်းရှိကြပြီး အလွယ်တကူ ယူဆောင်လာနိုင်ကြတဲ့အတွက် ဆန်ကောတော်လှန်ရေးကို စတင်အကောင်အထည်ဖော်ခဲ့ကြတာပါ။ 

ရေဒဏ်၊ လေးခွဒဏ်၊ ရာဘာကျည်ဒဏ်၊ နေပူဒဏ်ကာကွယ်ရာတွေမှာ အလွယ်တကူ အသုံးပြုနိုင်တဲ့ ပစ္စည်းတွေလည်းဖြစ်ပြီး ဆန်ကောရဲ့ အတွင်းအပြင်မှာ စစ်အာဏာရှင်ဆန့်ကျင်ရေး စာလုံးတွေ၊ သရုပ်ဖော်ပုံတွေလည်း ရေးသားနိုင်တဲ့အပြင် ရေရှည်တိုက်ပွဲ ကုန်ကျစရိတ်လည်း သက်သာစေတဲ့အတွက် ရွေးချယ်အသုံးပြုနေကြတာပါ။ 

မုံရွာက စတင်ခဲ့တဲ့ ဆန်ကောတော်လှန်ရေးဟာ အခုဆို ဒီပဲယင်း၊ ရွှေဘို၊ ခင်ဦး၊ မန္တလေး စတဲ့မြို့တွေမှာလည်း စတင်လုပ်ဆောင်နေကြပြီလည်းဖြစ်ပါတယ်။

A d v e r t i s e m e n t With Us

More News
Up