တရုတ်နိုင်ငံဟာ အိမ်နီးချင်းမြန်မာနိုင်ငံမှာ စစ်အာဏာသိမ်းဖို့ နားလည်မှုနဲ့ သဘောတူညီချက်ပေးခဲ့တာ ဒါမှမဟုတ် ထောက်ပံ့ခဲ့တာ ရှိတယ်ဆိုတဲ့ ပြောဆိုချက်တွေကို တရုတ် နိုင်ငံခြားရေး ဝန်ကြီးဌာနက ပယ်ချလိုက်ပါတယ်။
“သက်ဆိုင်ရာ ပုံသေနည်းတွေက မမှန်ကန်ဘူး မြန်မာနိုင်ငံနဲ့ ရင်းနှီးတဲ့ အိမ်နီးချင်းနိုင်ငံ အနေနဲ့ ကျနော်တို့က မြန်မာနိုင်ငံထဲက ဘက်အားလုံးဟာ မတူခြားနားချက်တွေကို သင့်တော်အောင် ဖြေရှင်းနိုင်ကြဖို့ ပြီးတော့ နိုင်ငံရေးလူမှုရေး တည်ငြိမ်စေဖို့ ဆန္ဒရှိတယ်လို့ နိုင်ငံခြားရေးဝန်ကြီးဌာန ပြောခွင့်ရ ဝမ်ဝင်ဘင်က နေ့စဉ် သတင်းစာ ရှင်းလင်းပွဲ အတွင်း မေးခွန်းကို တုံ့ပြန်ပြောဆိုပါတယ်။
အရင်လက တရုတ် နိုင်ငံခြားရေး ဝန်ကြီး ဝမ်ယိဟာ မြန်မာနိုင်ငံရဲ့ မြို့တော် နေပြည်တော်ကို အစီအစဉ်အရ လာရောက် လည်ပတ်ခဲ့ပြီး အာဏာသိမ်းခေါင်းဆောင် ဗိုလ်ချုပ်မှူးကြီး မင်းအောင်လှိုင် အပါအဝင်နဲ့ တွေ့ဆုံခဲ့ပါတယ်။
