ကိုဗစ်-၁၉ ကြောင့် ဗီယက်နမ် ကွန်မြူနစ်ပါတီ အစည်းအဝေး အကျဉ်းချုံးကျင်းပမည်

ဗီယက်နမ်နိုင်ငံမှာ ကိုဗစ်-၁၉ ကူးစက်မှု အကြီးအကျယ် ရင်ဆိုင်နေရတာမို့  အာဏာရ ကွန်မြူနစ်ပါတီ အစည်းအဝေးကို အကျဥ်းချုံးကျင်းပသွားမယ်လို့  နိုင်ငံပိုင်မီဒီယာက ဇန်နဝါရီ ၃၀ ရက်မှာ ကြေညာပါတယ်။

၅ နှစ် တစ်ကြိမ် ကျင်းပတဲ့ အထင်ကရပါတီ အစည်းအဝေးကို ချုံ့ပြီး ဖေဖော်ဝါရီ ၁ ရက်မှာ အစည်းအဝေးကို အဆုံးသတ်မယ်လို့ နိုင်ငံပိုင်မီဒီယာက ထုတ်ပြန်ခဲ့တာပါ။

ဗီယက်နမ်ရဲ့ တကျော့ပြန် ဗိုင်းရပ်စ်ကူးစက်မှုဟာ ဇန်နဝါရီ ၂၈ ရက်က စတင်ပြီး ပါတီ အစည်းအဝေး ကျင်းပနေတဲ့ မြို့တော်ဟနွိုင်းအထိ ပျံ့နှံ့သွားပါတယ်။

ဗီယက်နမ်ဟာ ပထမ ၃ လပတ်အတွင်း ကိုဗစ်ကာကွယ်ဆေး ရရမယ်လို့ ဝန်ကြီးချုပ် ငုယင်စွမ်းဖု ပြောဆိုပြီးနောက်မှာ ပထမဆုံး ကိုဗစ်ကာကွယ်ဆေးကို ခွင့်ပြုခဲ့ပါတယ်။ 

အက်စ်ထရာဇန်နက်ကာကုမ္ပဏီထုတ် ကိုဗစ်ကာကွယ်ဆေးကို ပြည်တွင်းမှာ ထိုးပေးဖို့ ဗီယက်နမ် ကျန်းမာရေးဝန်ကြီးဌာနက ခွင့်ပြုထားပါတယ်။ ကိုဗစ်ကာကွယ်ဆေး အလုံးရေ သန်း ၃၀ ဝယ်ယူရေး ဆွေးနွေးနေတယ်လို့ အစိုးရက အစောပိုင်းမှာ ပြောဆိုထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up