A d v e r t i s e m e n t With Us

အာဆင်နယ် လူငယ်ကစားသမားဆာကာကို ဖာဒီနန် ချီးကျူး

အာဆင်နယ်ကစားသမား ဘူကာရိုဆာကာဟာ လူငယ်တစ်ယောက် ဖြစ်ပေမယ့် ခေါင်းဆောင် တစ်ယောက်လို ရင့်ကျက်တည်ငြိမ်မှု ရှိလာပြီလို့ ဖာဒီနန်က ချီးကျူးလိုက်ပါတယ်။ 

အသက် ၁၉ နှစ်ပဲရှိသေးတဲ့ ဆာကာဟာ ဆောက်သမ်တန်ကို ၃ ဂိုး ၁ ဂိုးနဲ့ အနိုင်ရခဲ့တဲ့ပွဲမှာ ခြေစွမ်းပြခဲ့ပြီး အနိုင်ဂိုး ၁ ဂိုးနဲ့ ဂိုးဖန်တီးမှု တကြိမ် ပြုလုပ်နိုင်ခဲ့တာပါ။

ဆာကာဟာ အလွန်ကြီးမားတဲ့ သက်ရောက်မှုရှိစေပြီး သူ့ရဲ့ကျွမ်းကျင်မှုနဲ့ ကစားသွားတဲ့ ပုံစံက ရင့်ကျက်တည်ငြိမ်မှုရှိတယ်လို့ BT Sport ရုပ်သံမှ ဖာဒီနန်က ချီးကျူးခဲ့တာပါ။  

လက်ရှိခြေစွမ်းအရဆိုရင် ဆာကာက အသင်းကို ဦးဆောင်နိုင်တဲ့ ကစားသမားတစ်ဦးတောင် ဖြစ်နေပြီး စီနီယာကစားသမားတွေအနေနဲ့ ဆာကာကို ပွဲတိုင်းမှာ ပါဝင်ကစားစေဖို့ မျှော်လင့်ကြလိမ့်မယ်လို့လည်း ဖာဒီနန်က ချီးကျူးခဲ့ပါတယ်။

၂၀၁၉ ခုနှစ်က အသင်းကြီးမှာ စတင်ပွဲထွက်ခွင့်ရခဲ့တဲ့ ဆာကာဟာ အသင်းအတွက် စုစုပေါင်း ၆၇ ပွဲ ကစားခဲ့ပြီး ၉ ဂိုး သွင်းထားပြီး ဖြစ်ပါတယ်။

A d v e r t i s e m e n t With Us

More News
Up