A d v e r t i s e m e n t With Us

ရန်ကုန်မြို့အတွင်း တရားဝင်ဆိုင်ကယ်စီးနင်းခွင့်ပြုရေး လှုပ်ရှားမှုပြုလုပ်

ရန်ကုန်မြို့အတွင်းမှာ ဥပဒေနဲ့အညီ တရားဝင်ဆိုင်ကယ်စီးနှင်းခွင့်ပြုဖို့ကို Yangon Motor Biker Group ဆိုင်ကယ်ချစ်သူများက ဦးဆောင်ပြီး လက်မှတ်ကောက်ခံတာကို ဇန်နဝါရီ ၁၇ ရက်နေ့ ညနေပိုင်းက မြို့တော်ခန်းမရှေ့မှာ ပြုလုပ်ခဲ့ပါတယ်။ တရားဝင်ဆိုင်ကယ်စီးနင်းခွင့်ပြုဖို့ အများပြည်သူသဘောတူချက်လက်မှတ်ကောက်ခံပြီး ရန်ကုန်တိုင်းအစိုးရအဖွဲ့ကို ဇန်နဝါရီလ ၁၉ ရက်နေ့မှာ ပေးပို့သွားမှာဖြစ်ပါတယ်။   ဆိုင်ကယ်တရားဝင်စီးနင်းခွင့်ပြုရေးအတွက် ကောက်ခံထားတဲ့လက်မှတ်ပေါင်း ၆၀၀ နီးပါးရှိပြီလို့  ဦးဆောင်ကျင်းပတဲ့ ကိုဝင်းကျော်မောင်က ပြောပါတယ်။ လက်ရှိမှာ ရန်ကုန်မြို့တွင်းမှာ ဆိုင်ကယ်စီးနှင်းခွင့် မရရှိသလို ဆိုင်ကယ်စီးနင်းခွင့်ရရှိတဲ့ မြို့နယ်တွေမှာ ဖမ်းဆီးတာတွေဟာ ယာဉ်စည်းကမ်းဥပဒေအတိုင်း ဖမ်းဆီးတာမဟုတ်ဘူးလို့ ဆိုပါတယ်။ ရန်ကုန်မြို့အတွင်း တရားဝင်ဆိုင်ကယ်စီးနှင်းခွင့်ပြုရေးကို တောင်းဆိုတဲ့လှုပ်ရှားမှုကို ၂၀၁၉ ခုနှစ် မတ်လ ၅ ရက်နေ့ကတည်းက စတင်လုပ်ဆောင်ခဲ့တာဖြစ်ပေမယ့်  လက်ရှိအချိန်ထိ အစိုးရက အကြောင်းပြန်တာ မရှိသေးဘူးလို့ ဆိုပါတယ်။   ဒီလှုပ်ရှားမှုမှာတော့ ဆိုင်ကယ်ချစ်သူများ ဦးရေ ၁၀၀၀ လောက်က ပါဝင်လုပ်ဆောင်နေတာလို့ ပြောပါတယ်။  ဇန်နဝါရီလ ၁၈ ရက်နေ့မှာလည်း တရားဝင်ဆိုင်ကယ်စီးနှင်းခွင့်ပြုရေးလှုပ်ရှားမှု ထပ်မံလုပ်ဆောင်သွားမယ်လို့ ဆိုပါတယ်။ ဒါ့အပြင် Yangon Motor Biker Group ဆိုင်ကယ်ချစ်သူများက ကိုဗစ်-၁၉ ကာကွယ်ရေးအတွက် ပြည်သူတွေကို Mask အခု ၁၀၀၀ ကိုလည်း ပေးဝေခဲ့ပါတယ်။

A d v e r t i s e m e n t With Us

More News
Up