ဆင်းရဲသည့်နိုင်ငံများ ကိုဗစ်-၁၉ ကာကွယ်ဆေးထိုးနိုင်ရေး ဆေးထုတ်လုပ်ပံ့ပိုးသူများအပေါ် မူတည် 

ဆင်းရဲတဲ့နိုင်ငံတွေမှာ ကိုဗစ်-၁၉ ကပ်ရောဂါ ကာကွယ်ဆေးကို ဖေဖော်ဝါရီလမှာ စတင် ထိုးနှံနိုင်ရေးဟာ ကာကွယ်ဆေး ထုတ်လုပ်ပံ့ပိုးသူတွေအပေါ်မှာ မူတည်တယ်လို့ ကမ္ဘာ့ကျန်းမာရေးအဖွဲ့ကြီး WHO က ဇန်နဝါရီ ၁ ရက်မှာ ပြောလိုက်ပါတယ်။ ဆင်းရဲတဲ့နိုင်ငံတွေအတွက် ကိုဗက်စ် ကာကွယ်ဆေး ဖြန့်ဖြူးရေး အစီအစဉ် ကိုဗက်စ်ကို ကိုဗစ်-၁၉ ကာကွယ်ဆေး ထိုးဆေးတွေ ပေးဖို့ကိုလည်း ဆေးဝါးထုတ်လုပ်သူတွေကို ဆတက်ထမ်းပိုး မေတ္တာရပ်ခံလိုက်ပါတယ်။ WHO က ကျောထောက်နောက်ခံ ပေးထားတဲ့ ကိုဗက်စ် အစီအစဉ်၊ ကာကွယ်ဆေး မိတ်ပေါင်းစုအဖွဲ့ ဂါဗီနဲ့ ကပ်ဘေးပြင်ဆင်မှု ဆန်းသစ်တီထွင်ရေးအတွက် ညွန့်ပေါင်းအဖွဲ့တို့ဟာ အမေရိကန်ဒေါ်လာ ၆ ဘီလီယံ ရန်ပုံငွေ ရှာထားပြီး ကာကွယ်ဆေး ထိုးဆေး ၂ ဘီလီယံကို ဝယ်ဖို့ မှာယူထားပြီးပါပြီ။ နောက်ထပ် ထိုးဆေး ၁ ဘီလီယံ ထပ်ရဖို့ကိုလည်း ကြိုးစားနေပါတယ်။  တရုတ်၊ အမေရိကန်၊ အစ္စရေးနဲ့ တခြားနိုင်ငံတွေ အပါအဝင် နိုင်ငံတွေက စောစော သယ်ယူ ပို့ဆောင်ပြီး ကာကွယ်ဆေး စထိုးပေးနေပါပြီ။ အကန့်အသတ်နဲ့ ကျန်နေတဲ့ သိုလှောင်ထားတဲ့ ကိုဗစ်ကာကွယ်ဆေးတွေက ဝင်ငွေနိမ့်နဲ့ ဝင်ငွေ အလယ်အလတ် ရှိတဲ့ နိုင်ငံပေါင်း ၉၂ နိုင်ငံအတွက် မလောက်မှာကို WHO က စိုးရိမ်နေပါတယ်။ နိုင်ငံ ၄၀ ကျော်က  ဖိုက်ဇာနဲ့ ဘိုင်အိုအန်တက်၊ မိုဒါနာ၊ အဲ့စ်ထရာ ဇေနေကာ စတဲ့ ကုမ္ပဏီတွေက ထုတ်တဲ့ ကာကွယ်ဆေးတွေကို စတင်ထိုးနှံနေကြပြီး ရုရှားနဲ့ တရုတ်တို့ကလည်း ကာကွယ်ဆေးတွေ ထုတ်ပြီးနေကြပါပြီ။ ရိုက်တာသတင်းဌာနရဲ့ သတင်းအချက်အလက်တွေအရ တရုတ်ဟာ ကာကွယ်ဆေး အများဆုံး ထိုးပေးပြီးတဲ့နိုင်ငံဖြစ်နေပြီး လူ ၉ သန်း၊ အမေရိကန်က ၆ ဒသမ ၇ သန်းနဲ့ အစ္စရေးက လူ ၁ ဒသမ ၈ သန်းတို့ကို ကာကွယ်ဆေးအသီးသီး ထိုးပေးခဲ့ပြီးပါပြီ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up