A d v e r t i s e m e n t With Us

ကာဗာနီဟာ အသင်းအတွက် အားတစ်ခုဖြစ်စေဟု နည်းပြဆိုးလ်ရှားပြော

မန်ယူနိုက်တက်တိုက်စစ်မှူးကာဗာနီဟာ ပွဲပယ်ပြစ်ဒဏ်ပြည့်မြောက်သွားလို့ အသင်းအတွက် အားတစ်ခု ဖြစ်စေတယ်လို့ နည်းပြဆိုးလ်ရှားက ပြောပါတယ်။  ကာဗာနီဟာ အင်စတာဂရမ်မှာ လူမျိုးရေးခွဲခြားစေတဲ့ စာသား ရေးတင်ခဲ့တာကြောင့် အက်ဖ်အေက ၃ ပွဲပယ် ပြစ်ဒဏ်နဲ့ ဒဏ်ငွေပေါင် ၁ သိန်း ချမှတ်ခံခဲ့ရတာပါ။  အက်စ်တွန်ဗီလာ၊ မန်စီးတီးနဲ့ ဝက်ဖို့ဒ် ပွဲစဉ် ၃ ပွဲကို လွဲချော်ခဲ့တဲ့ ကာဗာနီဟာ ဇန်နဝါရီ ၁၃ ရက် နံနက်ပိုင်းမှာ ကစားမယ့် ဘန်လေနဲ့ ပွဲမှာတော့ ပြန်လည်ကစားခွင့်ရရှိမှာ ဖြစ်ပါတယ်။  ကာဗာနီဟာ ပွဲပယ်ပြစ်ဒဏ်ချမှတ်ခံခဲ့ရပေမယ့် အကောင်းဆုံးလေ့ကျင့်ခဲ့တာကြောင့် ပွဲကစားဖို့ အဆင်သင့်ဖြစ်နေပြီး သူ ပြန်လည်ကစားနိုင်တာက အသင်းအတွက် အားတစ်ခု ဖြစ်စေတယ်လို့ နည်းပြဆိုးလ်ရှားက ပြောပါတယ်။  ကာဗာနီက ဂရင်းဝုဒ်၊ မာစီယယ်နဲ့ ရက်ရှ်ဖို့ဒ်တို့လို တိုက်စစ်မှူးတွေနဲ့မတူတဲ့  ကစားသမား ဖြစ်တာကြောင့် အမှန်တကယ် အရေးပါတဲ့တိုက်စစ်မှူး ဖြစ်တယ်လို့ နည်းပြဆိုးလ်ရှားက ချီးကျူးပါတယ်။

A d v e r t i s e m e n t With Us

More News
Up