ဝီကီလိခ် တည်ထောင်သူအား နိုင်ငံရေး ခိုလှုံခွင့်ပေးမည်ဟု မက္ကဆီကိုသမ္မတ ပြော

ဝီကီလိခ် တည်ထောင်သူ ဂျူလီယန်အက်ဆန်ကို နိုင်ငံရေးခိုလှုံခွင့်ပေးဖို့ အသင့်ရှိတယ်လို့ မက္ကဆီကိုသမ္မတ လိုပက်ဇ်အော်ဘရေဒိုက ဇန်နဝါရီ ၄ ရက်မှာ ပြောပါတယ်။ 

ဒါ့အပြင် အက်ဆန်ကို အမေရိကန်ဆီ လွှဲမပေးတဲ့ ဗြိတိန်တရားသူကြီး ဆုံးဖြတ်ချက်ကို ထောက်ခံတယ်လို့ သူက ဆိုပါတယ်။ 

မစ္စတာအာဆန်ကို လွှတ်ပြီး မက္ကဆီကိုမှာ နိုင်ငံရေး ခိုလှုံခွင့်ပေးလို့ ရ၊ မရ ဗြိတိန်အစိုးရကို မေးမြန်းသွားမယ်လို့ ပုံမှန်သတင်းစာရှင်းလင်းပွဲအတွင်း သမ္မတ အော်ဘရေဒိုက ပြောခဲ့တာပါ။ 

လွန်ခဲ့တဲ့ တစ်နှစ်ကလည်း အာဆန်ကို လွှတ်ပေးဖို့ ဗြိတိန်အစိုးရကို အော်ဘရေဒိုက တိုက်တွန်းခဲ့ပြီး ဝီကီလိခ်အထောက်အထားတွေက ကမ္ဘာ့အာဏာရှင်တွေရဲ့ လုပ်ရပ်တွေကို ပြသတယ်လို့ သူက ပြောဆိုခဲ့ပါတယ်။