ဦးဥတ္တမနေ့ အကြိုအခမ်းအနား ကျင်းပ
DVB
·
September 4, 2013
၇၄ နှစ်မြောက် ဆရာတော် ဦးဥတ္တမနေ့ အကြို အခမ်းအနားကို ရခိုင်ပြည်နယ် မောင်တောမြို့မှာ ပထမဆုံးအကြိမ် ကျင်းပခဲ့ကြပါတယ်။
စက်တင်ဘာလ ၉ ရက်နေ့မှာ ကျရောက်မယ့် ၇၄ နှစ်မြောက် ဆရာတော် ဦးဥတ္တမနေ့ အကြိုဟောပြောပွဲနဲ့ အောက်မေ့ဂုဏ်ပြု အခမ်းအနားကို စက်တင်ဘာလ ၃ ရက်နေ့က ရခိုင်ပြည်နယ် မောင်တောမြို့နယ် မြောင်ပိုင်း နံ့သာတောင်ကျေးရွာမှာ ပထမဆုံးအကြိမ် ကျင်းပနေတာလို့ ဦးဆောင်သံဃာက မိန့်ပါတယ်။
နံ့သာတောင် ပရဟိတ ကျောင်းအုပ် ဦးစရဏက “ဒီနေ့ရာ၊ ဒီဒေသ အလွန်တရာမှ ဝေးလံခေါင်းပါးပြီးတော့ အဘက်ဘက်မှ လူမှုရေး၊ စီးပွားရေး၊ ပညာရေး အဘက်ဘက်မှ နိမ့်ကျနေတဲ့ အတွက်ကြောင့် ဘုန်းဘုန်းတို့ ဆရာတော် ဦးဥတ္တမပွဲကို ဒီဘက် ဒီဒေသမှာ တခါမှ မကျင်းပရတဲ့အတွက် ဒီဘက်ဒေသခံတွေရော၊ အနာဂတ် မျိုးဆက်သစ် လူငယ်လေးတွေပါ ဒီအာရှနေဝန်း ဆရာတော် ဦးဥတ္တမအကြောင်းကို သိချင်အားကြီးလို့ ဘုန်းဘုန်းတို့က ကျင်းပရခြင်းဖြစ်ပါတယ်။ အမှန်ကတော့ ဘုန်းဘုန်းတို့ ဆရာတော် ဦးဥတ္တမနေ့ကို စက်တင်ဘာ ၉ ရက်နေ့မှာ ကျင်းပရမှာဖြစ်ပါတယ်။ သို့သော်လည်း ကြိုတင်ပြီး ကျင်းပရခြင်း အကြောင်းရင်းကတော့ ဆရာတော် ဦးဥတ္တမရဲ့ အတ္ထုပ္ပတ္တိကို ဟောပြောနိုင်မယ့် စာပေပညာရှင်တွေမရတဲ့ အတွက်နဲ့ သူတို့က စက်တင်ဘာ ၉ ရက်နေ့မှာတော့ ပွဲလက်ခံတွေများတဲ့အတွက် ဘုန်းဘုန်းတို့က စက်တင်ဘာ ၃ ရက်နေ့ ကြိုပြီးတော့ လုပ်ရခြင်းဖြစ်ပါတယ်။”
နံ့သာတောင် ကျေးရွာက အခမဲ့ ပညာရေး ပရဟိတကျောင်းမှာ ကျင်းပတဲ့ အဲ့ဒီအခမ်းအနားကို သံဃာတော်တွေ၊ ဒေသခံ အစိုးရဝန်ထမ်းတွေ၊ ရပ်မိရပ်ဖတွေနဲ့ ကျောင်းသားကျောင်းသူတွေ စုစုပေါင်း ၄၀၀ ကျော် တက်ရောက်ခဲ့ပြီး ဆရာတော် ဦးဥတ္တမကို ဂုဏ်ပြုသောအားဖြင့် လွမ်းသူပန်းခွေချခြင်း၊ အခမ်းအနား တက်ရောက်လာတဲ့ ဆရာတော်ကြီးထံမှာ ငါးပါးသီလခံမှုတွေ ပြုလုပ်ပြီး၊ ဆရာတော်ကြီးရဲ့ အတ္ထုပ္ပတ္တိကို ဟောပြောခဲ့ကြပါတယ်။
ဆရာတော် ဦးဥတ္တမဟာ အင်္ဂလိပ်လက်အောက် ကျရောက်နေတဲ့ မြန်မာနိုင်ငံက ပြည်သူတွေကို လွတ်လပ်ရေးစိတ် နိုးကြားဖို့ အမျိုးသားရေး စိတ်ဓာတ်မြင့်မားဖို့ ရှေ့ဆောင်လမ်းပြခဲ့တဲ့ သံဃာတပါး ဖြစ်ပါတယ်။
ဆရာတော်ဦးဥတ္တမနေ့ကို စစ်အစိုးရလက်ထက်က ပြည်ပနိုင်ငံတွေမှာပဲ အခမ်းအနားတွေ ကျင်းပခဲ့ရပေမယ့် ၂၀၁၀ ခုနှစ် အစိုးရသစ် တက်လာပြီး နောက်ပိုင်း မြန်မာနိုင်ငံထဲက ရန်ကုန်နဲ့ ရခိုင်ပြည်နယ်ထဲက မြို့တချို့မှာ ပြန်လည်ကျင်းပခွင့်ရလာခဲ့တာပါ။
ဒီနှစ် ၇၄ နှစ်မြောက် အခမ်းအနားကိုတော့ ရခိုင်ပြည်နယ်အနှံ့ ကျင်းပသွားမှာဖြစ်ပြီး ရန်ကုန်မြို့ MCC ခန်းမမှာ ကျင်းပဖို့ ရှိနေပါတယ်။