ဖူဟမ်နှင့်ပွဲ အချိန်ကပ်ရွှေ့ဆိုင်းမှု ပရော်ဖက်ရှင်နယ်မဆန်သည့်လုပ်ရပ်ဟု မော်ရင်ဟို ဝေဖန်

ဖူဟမ်နဲ့ပွဲကို ပွဲချိန်နီးမှ ရွှေ့ဆိုင်းခဲ့တာက ပရော်ဖက်ရှင်နယ်မဆန်တဲ့လုပ်ရပ် ဖြစ်ကြောင်း စပါးနည်းပြ မော်ရင်ဟိုက ဝေဖန်လိုက်ပါတယ်။  ဖူဟမ်အသင်းဟာ စပါးအသင်းနဲ့ ဒီဇင်ဘာ ၃၀ ရက်မှာ ကစားရမှာ ဖြစ်ပေမယ့် အသင်းထဲမှာ ကိုဗစ်-၁၉ ပိုးတွေ့ရှိခဲ့တာကြောင့် ပွဲရွှေ့ဆိုင်းပေးဖို့ တောင်းဆိုခဲ့တာဖြစ်ပါတယ်။  ပရီးမီးယားလိဂ်အဖွဲ့ချုပ်ဘက်ကလည်း ပွဲမကစားခင် ၃ နာရီအလိုရောက်မှ ပွဲရွှေ့ဆိုင်းဖို့ ဆုံးဖြတ်ခဲ့တဲ့အပေါ် ပရော်ဖက်ရှင်နယ်မဆန်ကြောင်း နည်းပြမော်ရင်ဟိုက ဝေဖန်ခဲ့တာပါ။  အဲဒီပွဲ ရွှေ့ဆိုင်းခဲ့တာကို သိပ်မပြောချင်ပေမယ့်လည်း အဲဒီပွဲအတွက် အများကြီး ပြင်ဆင်ခဲ့ပြီးမှ ပွဲမကစားခဲ့ရတာက တစ်ပတ်စာလေ့ကျင့်မှုတွေ အချည်းနှီး ဖြစ်သွားစေတယ်လို့ ဆိုပါတယ်။  ပရီးမီးယားလိဂ်စည်းမျဉ်းတွေထဲမှာ အသင်းတသင်းအနေနဲ့ ကိုဗစ်-၁၉ စစ်ဆေးပြီးလို့ ပိုးတွေ့သည်ဖြစ်စေ အနည်းဆုံးအနေနဲ့ ပထမအသင်းက ကစားသမား ၁၄ ဦးရှိပါက ပွဲကစားခွင့်ပြုနိုင်ကြောင်း သတ်မှတ်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up