A d v e r t i s e m e n t With Us

ဗြိတိန်တွင် ကိုဗစ်-၁၉ စစ်ဆေးမှုကြောင့် ကုန်ကားထောင်ချီ ပိတ်မိ

အင်္ဂလန်မှာ ကူးစက်မြန် ကိုရိုနာဗိုင်းရပ်စ်တွေ့ရှိတာကြောင့် နိုင်ငံအတော်များများက ဗြိတိန်ကလာတဲ့လူတွေကို သူတို့နယ်စပ် မဝင်အောင် ပိတ်ရာကနေ နိုင်ငံရဲ့ အရေးပါဆုံး ကုန်သွယ်ရေးလမ်းကြောင်းတစ်ခုမှာ ကုန်ကားတွေ မိုင်ချီပြီး တန်းစီနေရပါတယ်။  ဒီဇင်ဘာ ၂၄ ရက်က ဥရောပရဲ့ အစည်ကားဆုံးကုန်ကားဝင်းထဲမှာ  ကုန်ကားပေါင်း ထောင်ချီ ပိတ်မိနေဆဲ ဖြစ်ပါတယ်။  ဗြိတိန်နဲ့ ပြင်သစ်အကြား ရေလက်ကြားကို ယာဉ်တွေ စဖြတ်သန်းနေပေမဲ့လည်း အင်္ဂလန် ဒိုဗာမြို့ကနေ မိုင် ၂၀ ဝေးတဲ့ မန်စတန်လေဆိပ်ဟောင်းမှာ တန်းစီနေတဲ့ ကုန်ကားအများအပြား ရပ်ထားရပါတယ်။  ကုန်ကားယာဉ်မောင်းအားလုံးဟာ ကိုဗစ်-၁၉ ကင်းစင်မှ ရှေ့ဆက်သွားခွင့်ပြုမှာမို့  ကုန်ကားထောင်ချီပြီး ရေလက်ကြားဖြတ်ဖို့ စောင့်ဆိုင်းနေပါတယ်။  ယာဉ်မောင်း ၂၃၀၀ ကျော်ကို စစ်ဆေးရာမှာ ၃ ယောက်သာ ကိုဗစ်-၁၉ တွေ့ရတယ်လို့ ဗြိတိန်က ဆိုပါတယ်။  ရေလက်ကြားဖြတ်ပြီး ပြင်သစ်ဆီသွားဖို့စောင့်နေတဲ့ ကုန်ကားတွေကို ရှင်းဖို့ဆိုရင် ရက်ချီ ကြာနိုင်တယ်လို့ ဗြိတိန်ပို့ဆောင်ရေးဝန်ကြီး ဂရန့် ရှပ်စ်က သတိပေးထားပါတယ်။  ကုန်ကားပုံတွေ ရှင်းသွားဖို့ ခရစ္စမတ်ကာလမှာ ဗြိတိန်-ပြင်သစ်နယ်စပ်ကို ဆက်ဖွင့်ထား မယ်လို့လည်း ရှပ်စ်က ပြောဆိုခဲ့ပါတယ်။ 

A d v e r t i s e m e n t With Us

More News
Up