A d v e r t i s e m e n t With Us

 လူမျိုးရေးခွဲခြားသည့်စာ  ရေးသားခဲ့မှုဖြင့် ကာဗာနီကို  အက်ဖ်အေက အရေးယူမည်

မန်ယူတိုက်စစ်မှူး ကာဗာနီဟာ လူမျိုးရေးခွဲခြားမှုဖြစ်စေတဲ့ စာသား ရေးသားခဲ့မှုကြောင့် အက်ဖ်အေက ၃ ပွဲပယ် ပြစ်ဒဏ်ချမှတ်ဖို့ ရှိနေပါတယ်။  ကာဗာနီဟာ ဆောက်သမ်တန်အသင်းကို ၃ ဂိုး ၂ ဂိုးနဲ့ အနိုင်ရခဲ့တဲ့ ပွဲစဉ်မှာ လူစား ဝင်ကစားခဲ့ပြီး ၂ ဂိုး သွင်းယူနိုင်ခဲ့တာပါ။  ပရိသတ်တစ်ဦးက ကာဗာနီကို ချီးကျူး စကားပြောခဲ့ရာမှာ ကာဗာနီက နီဂရိုး ဆိုတဲ့ စာသား ကို သုံးပြီး ကျေးဇူးတင်ကြောင်း ပြန်လည် ပြောခဲ့တာ ဖြစ်ပါတယ်။  အင်္ဂလန်မှာတော့ ဘောလုံးသမားတွေအနေနဲ့ အငြင်းပွားဖွယ်ရာဖြစ်စေနိုင်တဲ့ စာသားတွေ ကို ဆိုရှယ်မီဒီယာတွေမှာ ရေးသားခွင့် ပိတ်ထားပါတယ်။  အင်စတာဂရမ်ပို့စ်နဲ့ ပတ်သက်ပြီး ကာဗာနီက ပြန်လည်တောင်းပန်ခဲ့ပြီး မန်ယူအသင်း ဘက်ကလည်း ကာကွယ်ပေးခဲ့ပေမဲ့ အက်ဖ်အေက အရေးယူဖို့ဆုံးဖြတ်ခဲ့တာပါ။  လာမယ့် ဇန်နဝါရီ ၄ ရက်နောက်ဆုံးထားပြီး ကာဗာနီအနေနဲ့ ချေပချက်လျှောက်ထားရမှာ ဖြစ်ပါတယ်။  အက်ဖ်အေက ကာဗာနီကို ၃ ပွဲပယ်ပြစ်ဒဏ် အနည်းဆုံး ချမှတ်ဖွယ်ရှိတယ်လို့ သိရပါတယ်။  

A d v e r t i s e m e n t With Us

More News
Up