A d v e r t i s e m e n t With Us

မန်ယူနှင့်ပွဲတွင် အဂွဲရိုးကို  အသုံးမပြုဟု ဂွါဒီယိုလာ ပြော

မန်ယူနဲ့ ကန်မယ့် ပွဲစဉ်မှာ တိုက်စစ်မှူး အဂွဲရိုးကို ပွဲထွက်ကစားစေမှာ မဟုတ်ကြောင်း နည်းပြ ဂွါဒီယိုလာက အတည်ပြုလိုက်ပါတယ်။  အဂွဲရိုးဟာ ဒဏ်ရာကနေ ပြန်လည်ကောင်းမွန်လာခဲ့ပြီးနောက် မာဆေးကို ၃ ဂိုး ဂိုး မရှိနဲ့ အနိုင်ရတဲ့ ချန်ပီယံလိဂ်ပွဲစဉ်မှာ လူစားဝင်ကစားခဲ့ပြီး အနိုင်ဂိုး ၁ ဂိုးသွင်းခဲ့ပါတယ်။   အဂွဲရိုးအနေနဲ့ မာဆေးနဲ့ ပွဲမှာ ၂၅မိနစ် ဝင်ကစားခဲ့ပြီး ၁ ဂိုး သွင်းခဲ့ပေမဲ့ လေ့ကျင့်ချိန် သိပ်မရသေးတာကြောင့် မန်ယူနဲ့ ပွဲမှာ ပွဲထွက် အသုံးပြုမှာ မဟုတ်ဘဲ တစ်ဆင့်ချင်းစီ သွားရမှာဖြစ်တယ်လို့ ဂွါဒီယိုလာက ပြောပါတယ်။  နည်းပြဂွါဒီယိုလာအနေနဲ့ မန်ချက်စတာဒါဘီမှာ အဂွဲရိုးကို လူစားဝင် ကစားစေဖို့တော့ ရှိပါတယ်။  တိုက်စစ်မှူး အဂွဲရိုးဟာ မာဆေးနဲ့ ပွဲမှာချန်ပီယံလိဂ်သွင်းဂိုး ၁ ဂိုးရခဲ့တာကြောင့် စုစုပေါင်း ၄၁ ဂိုး ရှိသွားပြီဖြစ်ပါတယ်။  တောင်အမေရိကကစားသမားတွေထဲမှာ မက်ဆီပြီးရင် ချန်ပီယံလိဂ်သွင်းဂိုး ဒုတိယ အများဆုံး ကစားသမားအဖြစ် ပီအက်စ်ဂျီတိုက်စစ်မှူး နေမာနဲ့အတူ ပူးတွဲရပ်တည် နေပါတယ်။

A d v e r t i s e m e n t With Us

More News
Up