အမေရိကန် တင်းနစ်မယ် ဆိုဖီယာ WTA တစ်နှစ်တာ အကောင်းဆုံးကစားသမားဆုရရှိ

WTA တစ်နှစ်တာအကောင်းဆုံးအမျိုးသမီးတင်းနစ် ကစားသမားဆုကို အမေရိကန်တင်းနစ် မယ် ဆိုဖီယာကမ်နင်က ရရှိသွားပါတယ်။ ကမ်နင်ဟာ သြစတြေးလျအိုးပင်းမှာ ချန်ပီယံဖြစ်ခဲ့ပြီးနောက် ကမ္ဘာ့အဆင့် ၄ အထိ မြင့်တက်လာခဲ့တာပါ။ သြစတြေးလျအိုးပင်းမှာ ကမ္ဘာ့အဆင့်တစ် ဘာတီကို ဆီမီးဖိုင်နယ်မှာ အနိုင်ယူခဲ့သလို ဗိုလ်လုပွဲမှာလည်း ဂရင်းစလင်းချန်ပီယံ ၂ ကြိမ်ဖြစ်ခဲ့ဖူးတဲ့ မူဂါယူဇာကို အနိုင်ယူခဲ့ပါတယ်။  ပြင်သစ်အိုးပင်းမှာလည်း ဗိုလ်လုပွဲအထိတက်ခဲ့တာကြောင့် WTA  အကောင်းဆုံး အမျိုးသမီးကစားသမားဆုရရှိခဲ့တာပါ။ အသက်၂၂နှစ်ရှိ ဆိုဖီယာ ကမ်နင်ဟာ WTA အကောင်းဆုံးဆုရရှိဖူးတဲ့ ၈ ယောက်မြောက် အမေရိကန် တင်းနစ်မယ်အဖြစ်လည်း မှတ်တမ်းဝင် ခဲ့ပါတယ်။  WTA အတိုးတက်ဆုံး တင်းနစ်ကစားသမားဆုကိုတော့ ပြင်သစ်အိုးပင်းမှာ ချန်ပီယံဖြစ်ခဲ့တဲ့ ပိုလန်တင်းနစ်မယ် အီဂါဆွီရာတက်ခ်က ရရှိခဲ့ပါတယ်။ ကမ္ဘာ့နံပါတ်တစ် တင်းနစ်မယ်ဟောင်း  အဇာရန်ကာက တစ်ကျော့ပြန် အကောင်းဆုံးကစားသမားဆု ရရှိခဲ့ပြီး နှစ်ယောက်တွဲ အကောင်းဆုံးဆုကိုတော့ ပြင်သစ်ကအမ်လာဒင်နိုဗစ်နဲ့ ဟန်ဂေရီက ဘာဘော့စ်တို့ ရရှိခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up