A d v e r t i s e m e n t With Us

အမေရိကန်နှင့် အီးယူတို့ထံမှ ကိုဗစ်ကာကွယ်ဆေး ခွင့်ပြုချက် မိုဒါနာကုမ္ပဏီ တောင်းခံမည်

စမ်းသပ်ချက်အရ ထိရောက်မှု ၉၄ ဒသမ ၁ ရာခိုင်နှုန်းရှိပြီး ပြင်းထန်တဲ့ ဘေးထွက်ဆိုးကျိုး စိုးရိမ်စရာမရှိတဲ့ ကိုဗစ်-၁၉ ကပ်ရောဂါ ကာကွယ်ဆေးအတွက် မိုဒါနာ ဆေးဝါးထုတ်လုပ်ရေးလုပ်ငန်းက အမေရိကန်နဲ့ ဥရောပသမဂ္ဂတို့ဆီကနေ  ခွင့်ပြုချက် တောင်းခံသွားမယ်လို့ ကုမ္ပဏီက နိုဝင်ဘာ ၃၀ မှာ ပြောပါတယ်။ မိုဒါနာက ထုတ်တဲ့ ကာကွယ်ဆေးရဲ့ ထိရောက်မှုနှုန်းဟာ အသက်၊ လူမျိုး၊ တိုင်းရင်းသား၊ ကျား မ အပိုင်းအခြား အားလုံးမှာ တသမတ်တည်း ရှိနေပြီး ကိုဗစ်-၁၉ ကပ်ရောဂါရဲ့ ဆိုးရွား ပြင်းထန်မှုအဆင့်ကို ရာနှုန်းပြည့် ကာကွယ်နိုင်တယ်လို့ မိုဒါနာက ပြောပါတယ်။ ဒီဇင်ဘာ ၁ ရက် မနက် ၉ နာရီထိ အတည်ပြုချက်အရ ကမ္ဘာ့ကိုရိုနာဗိုင်းရပ်စ် ကူးစက်ခံ ဦးရေ ၆၃ ဒသမ ၆ သန်းနီးပါးရှိနေပြီး ကူးစက်ခံ သေဆုံးသူဦးရေ ၁ သန်းခွဲနီးပါး ရှိနေပါပြီ။ ဖှိုက်ဇာနဲ့ ဘိုင်အိုအန်တက်ခ်တို့ ပူးပေါင်းထုတ်လုပ်တဲ့ ၉၅ ရာခိုင်နှုန်း ထိရောက်မှုရှိတဲ့ ကာကွယ်ဆေးပြီးရင် မိုဒါနာဟာ အမေရိကန် အရေးပေါ်သုံးစွဲခွင့်ရဖို့ အလားအလာရှိတဲ့ ဒုတိယမြောက်ကာကွယ်ဆေး ဖြစ်လာပါတယ်။ စေတနာ့ဝန်ထမ်း ၁၉၆ ယောက်ထဲက ၁၈၅ ယောက်ကို အာနိသင်မရှိတဲ့ ဆေးကို ထိုးပေးခဲ့ပြီး ၁၁ ယောက်ကို ကာကွယ်ဆေး ထိုးပေးခဲ့ရာမှာ အာနိသင်မရှိတဲ့ဆေး ထိုးပေးခံရတဲ့ အုပ်စုထဲက အယောက် ၃၀ ဟာ ရောဂါပြင်းထန်တာကို တွေ့ခဲ့ရပါတယ်။ ဒါကြောင့် မိုဒါနာရဲ့ ကာကွယ်ဆေးဟာ ဆိုးရွားပြင်းထန်တဲ့အဆင့် မရောက်အောင် ရာနှုန်းပြည့် တားနိုင်တဲ့ အဓိပ္ပာယ်ပဲလို့ မိုဒါနာက ပြောပါတယ်။

A d v e r t i s e m e n t With Us

More News
Up