Live လွှင့်ပြီး ငွေစက္ကူမီးရှို့ဖျက်ဆီးသူ ၂ ဦးကို အရေးယူမည်ဟု ရဲတပ်ဖွဲ့ထုတ်ပြန်
DVB
·
November 30, 2020
နိုင်ငံတော်က ထုတ်ဝေထားတဲ့ ငွေစက္ကူအား Live လွှင့်ပြီး မီးရှို့ဖျက်ဆီးသူ ၂ ဦးအား မြန်မာနိုင်ငံတော်ဗဟိုဘဏ်ဥပဒေနဲ့ ဖော်ထုတ်အရေးယူသွားမယ်လို့ ရဲတပ်ဖွဲ့က ဒီနေ့မနက် ထုတ်ပြန်ပါတယ်။
နိုဝင်ဘာလ ၂၇ ရက် နေ့လယ် ၁ နာရီခန့်လောက် Biggest Shopping & Retail Page မှာ အမျိုးသား ၁ ဦးနဲ့ အမျိုးသမီး ၁ ဦးတို့က Live လွှင့်ပြီး မြန်မာနိုင်ငံတော်ဗဟိုဘဏ်က တရားဝင်ထုတ်လုပ်ထားတဲ့ မြန်မာကျပ်ငွေ ငါးထောင်တန် ငွေစက္ကူအား မသင့်မလျော်မီးရှို့ ပြမှုခဲ့တယ်လို့ ဆိုပါတယ်။
မြန်မာနိုင်ငံတော်ဗဟိုဘဏ်ဥပဒေ၊ အခန်း(၁၆)၊ အပိုဒ်-၉၉(က) အရ ဗဟိုဘဏ်ရဲ့ ခွင့်ပြုချက်မရှိဘဲ ငွေစက္ကူများအား ဖြတ်တောက်တာ၊ ဆုတ်ဖြဲတာ (သို့) အခြား တစ်နည်းနည်းနဲ့ ပုံသဏ္ဌာန် ပျက်ယွင်းအောင် မပြုလုပ်ဖို့ တားမြစ်ချက်ထုတ်ပြန်ထားတာကို ဖောက်ဖျက်ကျူးလွန်ခဲ့ကြောင်း တွေ့ရှိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
Biggest Shopping & Retail Page မှ Live လွှင့်ပြီး မီးရှို့ပြသူ ၂ ဦးအား မြန်မာနိုင်ငံရဲတပ်ဖွဲ့က စုံစမ်းဖော်ထုတ်ခဲ့ရာ သင်္ဃန်းကျွန်းမြို့နယ်၊ လေးထောင့်ကန် ရပ်ကွက်နေ အမျိုးသားနဲ့ ဇနီးတို့ဖြစ်ကြောင်း သိရှိရတာကြောင့် မြန်မာနိုင်ငံတော်ဗဟိုဘဏ်ဥပဒေ ၁၀၃/၁၀၇ နဲံ အရေးယူဆောင်ရွက်သွားမယ်လို့ ဆိုပါတယ်။