A d v e r t i s e m e n t With Us

လူမည်း ၁ ဦးအား ပြင်သစ်ရဲများ ဝိုင်းဝန်းထိုးကြိတ်ခဲ့မှု စောင့်ကြည့်ရေးအဖွဲ့ စုံစမ်း

ပြင်သစ်နိုင်ငံမှာ နှာခေါင်းစည်းမတပ်ဘဲ  အပြင်ထွက်တဲ့ လူမည်း ဂီတပရိုဂျူဆာ တယောက်ကို ရဲတွေက ဝိုင်းထိုးကြိတ်ပြီး လူမျိုးရေးအရ ဆဲဆိုတဲ့ဖြစ်ရပ်အပေါ် စုံစမ်းနေတယ်လို့  IGPN  ရဲတပ်ဖွဲ့စောင့်ကြည့်ရေးအဖွဲ့က နိုဝင်ဘာလ ၂၆ ရက်မှာ ပြောဆိုပါတယ်။  အဲဒီဖြစ်ရပ်ကို စီစီတီဗွီကင်မရာနဲ့ မိုဘိုင်းဖုန်းကနေ မှတ်တမ်းတင်ထားခဲ့ပြီး  ဗွီဒီယိုကို  LoopSider သတင်းဌာနက ရရှိခဲ့ပါတယ်။  သူ့ကိုယ်သူ မီရှယ်လို့ပဲ ဖော်ပြခဲ့တဲ့ ထိုးကြိတ်ခံရသူက သူဟာ  နိုဝင်ဘာလ ၂၁ ရက်က ပဲရစ်မြို့မှာ  ကိုဗစ်စည်းကမ်းချိုးဖောက်ပြိး နှာခေါင်းစည်း မတပ်ဘဲ အပြင်ထွက်ခဲ့တယ်လို့ ပြောဆိုပါတယ်။  အဲဒီနောက် ရဲကားကို တွေ့တော့ ဒဏ်တပ်ခံရမှာစိုးပြီး သူ့စတူဒီယိုအတွင်း ပြေးဝင်ခဲ့တယ်လို့  မီရှယ်က ဆိုပါတယ်။  ဒါပေမဲ့လည်း ရဲတွေက စတူဒီယိုထဲအထိ နောက်ကလိုက်လာပြီး သူ့ကို ထိုးကြိတ်ဆဲဆိုခဲ့တယ်လို့ မီရှယ်က ဆိုပါတယ်။ ဒီဖြစ်ရပ်အတွက် ရဲတွေကို တရားဝင်အမှုဖွင့်သွားမယ်လို့  မီရှယ်ရဲ့ ရှေ့နေက ပြောဆိုပါတယ်။  ဒီသီတင်းပတ်အစောပိုင်းကလည်း ရွှေ့ပြောင်းလာသူတွေရဲ့ ဆန္ဒပြပွဲတွေကို ရှင်းလင်းရာကနေ ပဋိပက္ခတွေ ဖြစ်ခဲ့ပြီး ပြင်သစ်ရဲတပ်ဖွဲ့ဟာ ဝေဖန်ခံနေရတယ်လို့ ရိုက်တာသတင်းမှာ ဖော်ပြပါတယ်။

A d v e r t i s e m e n t With Us

More News
Up