A d v e r t i s e m e n t With Us

ဆောက်သမ်တန်နှင့်ပွဲ၌ ပေါ့ဘာ၊ ရက်ရှ်ဖို့ဒ် ပါဝင်ကစားရန် မသေချာဟု ဆိုးလ်ရှားပြော

ဆောက်သမ်တန်နဲ့ပွဲမှာ ပေါ့ဘာနဲ့ ရက်ရှ်ဖို့ဒ်တို့ ပါဝင်ကစားနိုင်ဖို့ မသေချာဘဲဖြစ်နေတယ်လို့ မန်ယူနိုက်တက် နည်းပြ ဆိုးလ်ရှားက ပြောပါတယ်။ မန်ယူအသင်းဟာ နိုဝင်ဘာ ၂၉ ရက်နေ့ ဆောက်သမ်တန်နဲ့ ကစားရမှာဖြစ်ပြီး ခြေချင်းဝတ် ဒဏ်ရာရနေတဲ့ပေါ့ဘာ ဒဏ်ရာက ပြန်လည်သက်သာလာခြင်းမရှိသေးဘူးလို့ သိရပါတယ်။  ပေါ့ဘာဟာ နိုဝင်ဘာ ၂၇ ရက်အထိ လေ့ကျင့်ခန်းပြန်မဆင်းနိုင်ခဲ့တာကြောင့် ဆောက်သမ်တန်နဲ့ပွဲကို ဆက်လက်လွဲချော်ဖို့ရှိနေပါတယ်။  ဒါ့အပြင်  တိုက်စစ်မှူးရက်ရှ်ဖို့ဒ်ဟာလည်း လေကျင့်ခန်းပြန်ဆင်းခဲ့ပေမယ့် ရာနှုန်းပြည့်ကြံ့ခိုင်မှုမရှိသေးကြောင်း နည်းပြ ဆိုးလ်ရှားက အတည်ပြုပါတယ်။  တွန်မီနေးနဲ့ ပေါ့ဘာတို့က နိုဝင်ဘာ ၂၇ ရက်အထိ လေ့ကျင့်ခန်းမဆင်းနိုင်သေးသလို ရက်ရှ်ဖို့ဒ်၊ လင်ဒီလော့ဖ်နဲ့ ဝမ်ဘစ်ဆာကာတို့ကတော့ လေ့ကျင့်ခန်းဆင်ခဲ့ပေမယ့် ရာနှုန်းပြည့် ကြံ့ခိုင်မှုမရှိသေးဘူးလို့ ဆိုးလ်ရှားက ပြောပါတယ်။  တိုက်စစ်မှူး ရက်ရှ်ဖို့ဒ်ဟာ အစ္စတန်ဘူလ်နဲ့ ချန်ပီယံလိဂ်ပွဲစဉ်မှာ ပင်နယ်တီကနေ ၁ ဂိုးသွင်းခဲ့ပြီး ပခုံးဒဏ်ရာရခဲ့တာကြောင့် ကြံ့ခိုင်မှုမပြည့်သေးတာ ဖြစ်ပါတယ်။

A d v e r t i s e m e n t With Us

More News
Up