A d v e r t i s e m e n t With Us

အီရန်ကောင်စစ်ဝန်အပါအဝင် ၄ ဦးကို ဗုံးထောင်မှု သံသယဖြင့် ဥရောပတွင် တရားစွဲ

သံသယဖြစ်ဖွယ် ဗုံးထောင်အကြံအစည်နဲ့ပတ်သက်လို့  အီရန်ကောင်စစ်ဝန် တစ်ဦးအပါအဝင်  အီရန်နိုင်ငံသားတွေကို ဥရောပမှာ ပထမဆုံးအကြိမ်  တရားစွဲဆိုလိုက်ပါတယ်။  ၂၀၁၈ တုန်းက  ပြင်သစ်မှာ အီရန် ပြည်ပြေးအတိုက်အခံအုပ်စု  NCRI ရဲ့  အစည်းအဝေးကို ဗုံးခွဲဖို့ စီစဉ်မှုနဲ့  အီရန်သံတမန် တဦးနဲ့တခြားအီရန်နိုင်ငံသား ၃ ဦးကို တရားစွဲဆိုလိုက်တာပါ။  ဒါဟာ အီးယူနိုင်ငံတစ်ခုမှာ ပထမဆုံးအကြိမ် အီရန်သံတမန်ကို အကြမ်းဖက်မှုနဲ့ ရုံးတင် တရားစွဲဆိုတာဖြစ်ပြီး    နိုဝင်ဘာ ၂၇ ရက်ကျရင်  ဘယ်လ်ဂျီယံနိုင်ငံ အန့်တ်ဝါ့ပ်မြို့မှာ သူတို့ ၄ ဦး တရားရင်ဆိုင်ရမှာပါ။ တရားစွဲခံရတဲ့  ဗီယင်နာအခြေစိုက် အီရန်သံတမန်  အက်ဆာဒိုလာ-ဟက်ဆာဒီဟာ အီရန်သံရုံးက အဆင့် ၃ ကောင်စစ်ဝန် ဖြစ်ပါတယ်။  သူဟာ ဥရောပတောင်ပိုင်း ထောက်လှမ်းရေးသတင်း အကြီးအကဲဖြစ်ပြီး အီရန်အစိုးရဆီက ညွှန်ကြားချက်တွေအတိုင်း လုပ်ခဲ့တယ်လို့  ပြင်သစ်အရာရှိတွေက ပြောပါတယ်။ အီရန်အစိုးရကတော့ စွပ်စွဲချက်တွေကို ထပ်တလဲလဲ ငြင်းဆိုထားပြိး ဗုံးထောင်ဖို့ စီစဉ်တယ်ဆိုတဲ့စွပ်စွဲချက်ဟာ အီရန်ကအကြမ်းဖက်အဖွဲ့အဖြစ် သတ်မှတ်ထားတဲ့  NCRI ရဲ့ ထွင်လုံး တခုသာဖြစ်တယ်လို့ ပြောပါတယ်။  

A d v e r t i s e m e n t With Us

More News
Up