A d v e r t i s e m e n t With Us

နေမာ၏ ပထမဆုံး ချန်ပီယံလိဂ်ဂိုးဖြင့် ပီအက်စ်ဂျီအသင်း အုပ်စုတက်ရေး မျှော်လင့်ချက်ရှိလာ

ပီအက်စ်ဂျီအသင်းဟာ နေမာရဲ့ အခုနှစ်ရာသီ ပထမဆုံး ချန်ပီယံလိဂ်သွင်းဂိုးနဲ့ လိုက်ဇစ်ကို ၁ ဂိုး ဂိုးမရှိနဲ့နိုင်ပြီး အုပ်စုတက်ဖို့ မျှော်လင့်ချက် ပြန်လည်ရှင်သန်လာပါတယ်။ ဂျာမန်ကလပ် လိုက်ဇစ်ကို ပထမအကျော့ အဝေးကွင်းမှာ ၂ ဂိုး ၁ ဂိုးနဲ့ ရှုံးနိမ့်ခဲ့တဲ့ ပီအက်စ်ဂျီအသင်းဟာ ပဲရစ်မြေမှာ ဒီမနက်အစောပိုင်း ကန်သွားတဲ့ပွဲစဉ်မှာ နေမာရဲ့ ပင်နယ်တီသွင်းဂိုးနဲ့ လိုအပ်တဲ့ အနိုင် ၃ မှတ် ရယူနိုင်ခဲ့တာပါ။  ဒီနိုင်ပွဲကြောင့် လိုက်ဇစ်နဲ့ ရမှတ် ၆ မှတ်ချင်း တူညီသွားခဲ့ပြီး ပထမနေရာက မန်ယူအသင်းနဲ့ ၃ မှတ်အကွာနဲ့ ဒုတိယနေရာမှာ ရပ်တည်နိုင်ခဲ့ပါတယ်။ ပီအက်စ်ဂျီအသင်းဟာ လိုက်ဇစ်ကို အနိုင်ရခဲ့ပေမယ့် ခြေစွမ်းပြနိုင်တာမျိုးမဟုတ်ဘဲ တပွဲလုံးမှာ ဂိုးပေါက်တည့်တဲ့ ကန်သွင်းချက် ၂ ကြိမ်ပဲ ရှိခဲ့တာပါ။ လိုက်ဇစ်အသင်းက အခွင့်အရေးနဲ့ ဘောလုံးပိုင်ဆိုင်မှု ပိုအသာရခဲ့ပြီး ဂိုးသမား နာဗက်စ် လက်စွမ်းပြနိုင်ခဲ့လို့သာ ပီအက်စ်ဂျီအသင်း အနိုင်ရခဲ့တာ ဖြစ်ပါတယ်။  ပီအက်စ်ဂျီအသင်းဟာ အုပ်စုတက်ရေး အရေးပါတဲ့ ပွဲစဉ်အနေနဲ့ ဒီဇင်ဘာ ၃ ရက်မှာ မန်ယူအသင်းနဲ့ အဝေးကွင်းမှာ သွားရောက်ရင်ဆိုင်ရမှာ ဖြစ်ပါတယ်။

A d v e r t i s e m e n t With Us

More News
Up