အထူးတပ်ဖွဲ့ဝင်များကအာဖဂန်ရှိအကျဉ်းသားနှင့်အရပ်သားအချို့ကို သတ်ခဲ့ဟု သြစတြေးလျပြော

အာဖဂန်နစ္စတန်နိုင်ငံအတွင်း သြစတြေးလျအထူးတပ်ဖွဲ့ဝင် တချို့က  အကျဉ်းသား၊ လယ်သမားနဲ့ တခြားအရပ်သား ၃၉ ယောက်ကို  သတ်ဖြတ်ခဲ့တယ်ဆိုတဲ့ ယုံကြည်လောက်ဖွယ် အထောက်အထား တွေ့ရတယ်လို့  ဗိုလ်ချုပ်ကြီး အန်းဂတ်စ်-ဂျွန်ကမ့်ဘဲက နိုဝင်ဘာ ၁၉ ရက်မှာ ပြောဆိုခဲ့ပါတယ်။  ၂၀၀၅ကနေ ၂၀၁၆ ကာလအတွင်း လက်နက်မဲ့ အမျိုးသားတွေနဲ့ ကလေးတွေကို သြစတြေးလျတပ်ဖွဲ့ဝင်တွေ သတ်ဖြတ်ခဲ့တယ်ဆိုတဲ့ အာဖဂန်ဒေသမီဒီယာ စွပ်စွဲချက်တွေနဲ့ ပတ်သက်ပြီး သြစတြေးလျအစိုးရက ၂၀၁၆ ခုနှစ်မှာ စုံစမ်းရေး ပြုလုပ်ခဲ့ပါတယ်။  စုံစမ်းရေးအစီရင်ခံစာအရ တိုက်ပွဲပြင်ပမှာ  သြစတြေးလျ အထူးတပ်ဖွဲ့ဝင် ၂၅ ယောက်က လူ ၃၉ ယောက်ကို သတ်ဖြတ်ခဲ့တဲ့ အထောက်အထားတွေ့ရတယ်လို့ ဗိုလ်ချုပ်ကြီး ကမ့်ဘဲက ဆိုပါတယ်။  ဗိုလ်ချုပ်ကြီး ကမ့်ဘဲက အာဖဂန်ပြည်သူတွေကို ဝန်ချတောင်းပန်ခဲ့ပြီး  သတ်ဖြတ်မှု အတွက် သံသယရှိသူတွေကို မကြာခင်ခန့်အပ်မယ့် သြစတြေးလျအထူးစုံစမ်းရေးမှူးထံ လွှဲအပ်ကာ တရားစွဲဆိုဖို့ လုံလောက်တဲ့ အထောက်အထားရှိ၊မရှိ ဆုံးဖြတ်သွားမယ်လို့ ပြောပါတယ်။  သြစတြေးလျဟာ အမေရိကန်ရဲ့ အခိုင်အမာ မဟာမိတ်ဖြစ်ပြီး ၂၀၀၂ ခုနှစ်စလို့  အာဖဂန်မှာ တပ်ဖွဲ့ဝင်တွေ ထားရှိတယ်လို့ ရိုက်တာက ဖော်ပြပါတယ်။   

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up