ကိုဗစ်လူနာသစ် ၉၈၃ ဦးတွင် ရန်ကုန်က ၆၁၈ ဦးဖြင့် အများဆုံးတွေ့၊ အနံ့မရသူ ၁၂၀ ဦးပါဝင်
DVB
·
November 16, 2020
မနေ့ညက ထုတ်ပြန်တဲ့ ကိုဗစ်-၁၉ ပိုးတွေ့လူနာအသစ် ၉၈၃ ယောက်ထဲမှာ ရန်ကုန်တိုင်းက ၆၁၈ ယောက်နဲ့ အများဆုံးပါဝင်တယ်လို့ ကျန်းမာရေးနဲ့ အားကစားဝန်ကြီးဌာနရဲ့ ဒီကနေ့ ညနေ ၅ နာရီ ထုတ်ပြန်ချက်အရ သိရပါတယ်။
ရန်ကုန်တိုင်းက အတည်ပြုလူနာတွေထဲမှာ မင်္ဂလာဒုံ ၇၂ ယောက်၊ ရွှေပြည်သာ ၅၅ ယောက်၊ လှိုင် ၅၁ ယောက်စီနဲ့ အများဆုံးတွေ့ရှိခဲ့ပြီး စုစုပေါင်းမြို့နယ် ၃၉ ခု ပါဝင်နေတာ ဖြစ်ပါတယ်။
တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ မန္တလေးတိုင်း မြို့နယ် ၁၁ ခုမှာ ၁၁၆ ယောက်၊ ပဲခူးတိုင်းမြို့နယ် ၁၃ ခုမှာ ၈၆ ယောက်၊ စစ်ကိုင်းတိုင်းမြို့နယ် ၉ ခုမှာ ၅၆ ယောက်၊ ဧရာဝတီတိုင်းမြို့နယ် ၁၂ ခုမှာ ၃၂ ယောက်၊ ရခိုင်ပြည်နယ်မြို့နယ် ၉ ခုမှာ ၂၅ ယောက်၊ မွန်ပြည်နယ်မြို့နယ် ၂ ခုမှာ ၁၂ ယောက်၊ မကွေးတိုင်းမြို့နယ် ၄ ခုမှာ ၁၀ ယောက်၊ ရှမ်းပြည်နယ်၊ ရွာငံမြို့မှာ ၁၀ ယောက်၊ ကရင်ပြည်နယ်မြို့နယ် ၂ ခုမှာ ၈ ယောက်၊ ချင်းပြည်နယ်မြို့နယ် ၂ ခုမှာ ၅ ယောက်၊ တနင်္သာရီတိုင်း၊ မြိတ်မြို့မှာ ၃ ယောက်၊ နေပြည်တော်၊ ဇမ္ဗူသီရိမြို့နယ်မှာ ၁ ယောက်၊ ကချင်ပြည်နယ်၊ မိုးညှင်းမြို့နယ်မှာ ၁ ယောက်စီ အသီးသီး တွေ့ရှိခဲ့ပါတယ်။
ဓာတ်ခွဲအတည်ပြုလူနာသစ်တွေထဲမှာ အနံ့မရရှိသူ ၁၂၀ ယောက် ပါဝင်တယ်လို့ ကျန်းမာ ရေးနဲ့ အားကစားဝန်ကြီးဌာနက ထုတ်ပြန်ထားပါတယ်။
မြန်မာနိုင်ငံမှာ နိုဝင်ဘာ ၁၅ ရက်ည ၈ နာရီအထိ ကိုဗစ်-၁၉ အတည်ပြုလူနာစုစု ပေါင်း ၆၈,၉၉၄ ယောက်၊ သေဆုံးသူ ၁,၅၇၇ ယောက်နဲ့ ဆေးရုံက ဆင်းခွင့်ရသူစုစုပေါင်း ၅၂,၃၅၁ ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။
ကမ္ဘာတဝန်းမှာတော့ ဒီနေ့ညနေ ၅ နာရီအထိ ကိုဗစ်-၁၉ အတည်ပြုလူနာ ၅၄ ဒသမ ၈ သန်းကျော်၊ သေဆုံးသူ ၁ ဒသမ ၃ သန်းကျော်နဲ့ ရောဂါသက်သာပျောက်ကင်းသူ ၃၈ သန်းကျော် ရှိနေပြီ ဖြစ်ပါတယ်။
