မန်ယူအသင်း ခြေစွမ်းပြနေမှုကို မမြင်တွေ့လိုကြဟု မက်ဂွိုင်းယား ဝေဖန်
654
မန်ယူအသင်း ခြေစွမ်းပြနေတာကို လူတွေက မမြင်တွေ့လိုကြကြောင်း အသင်းခေါင်းဆောင် မက်ဂွိုင်းယားက ပြောပါတယ်။
မန်ယူအသင်းဟာ ပရီးမီးယားလိဂ်မှာ ရလဒ်ဆိုးရွားခဲ့ပေမယ့် အဲဗာတန်အသင်းနဲ့ ပွဲမှာတော့ ၃ ဂိုး ၁ ဂိုးနဲ့ နိုင်ပွဲပြန်ရခဲ့ပြီး အသင်းနဲ့ပတ်သက်လို့ ဝေဖန်သူတွေကို ပြန်လည်ဝေဖန်ခဲ့တာပါ။
ယူနိုက်တက်နဲ့ တစ်နှစ်ခွဲကာလအတွင်းမှာ သိလိုက်ရတာတစ်ခုက ယူနိုက်တက်အသင်းက ကမ္ဘာပေါ်မှာ လူပြောအများဆုံးအသင်း ဖြစ်နေတယ်လို့ မက်ဂွိုင်းယားက ပြောပါတယ်။
ဒီလို လူပြောများနေတာဟာ အရင်က အောင်မြင်မှုတွေ ရရှိခဲ့တာကြောင့်ဖြစ်ပြီး လူတွေက ယူနိုက်တက်အသင်း ခြေစွမ်းပြနေတာကို မြင်တွေ့လိုခြင်း မရှိကြဘူးလို့ ဆိုပါတယ်။
အဲဒီလို ဝေဖန်မှုတွေနဲ့ ဆက်လက်ရှင်သန်သွားရမှာဖြစ်ပြီး အသင်းလေ့ကျင့်ရေးကွင်းကို အဆိုးမြင်တဲ့ သဘောထားတွေ ယူဆောင်လာခွင့်မပြုသင့်ပေမယ့် တခါတရံမှာတော့ ကစားသမားတွေအတွက် အခက်အခဲရှိတယ်လို့ မက်ဂွိုင်းယားက ပြောပါတယ်။
နောက်ခံလူ မက်ဂွိုင်းယားဟာ ယူနိုက်တက်အသင်း ရလဒ်ဆိုးချိန်မှာ အများဆုံး ဝေဖန်ခံနေရတဲ့ ကစားသမားတစ်ဦး ဖြစ်ပါတယ်။
