အာဆင်နယ်အသင်း၏ သက်တမ်းတိုး ကမ်းလှမ်းချက်ကို မူစတာဖီ ငြင်းပယ်

အာဆင်နယ် နောက်ခံလူ မူစတာဖီဟာ အသင်းဘက်က စာချုပ်သစ် ကမ်းလှမ်းတာကို ပယ်ချခဲ့တယ်လို့ သိရပါတယ်။ ဂျာမနီနောက်ခံလူ မူစတာဖီဟာ လက်စတာကို ၁ ဂိုး ဂိုးမရှိနဲ့ ရှုံးနိမ့်ခဲ့တဲ့ပွဲစဉ်မှာ ဒဏ်ရာရသွားတဲ့ ဒေးဗစ်လုဇ် နေရာမှာ ဝင်ကစားခဲ့ပါတယ်။ ဒါပေမဲ့လည်း ဂျေမီဗာဒီရဲ့ ဂိုးအပေါ်မှာ အပြစ်မကင်းခဲ့တဲ့ မူစတာဖီကို ပရိသတ်တွေက ဝေဖန်ခဲ့ကြပါတယ်။ Football London ရဲ့ ဖော်ပြချက်အရ ရာသီအကုန်မှာ စာချုပ်သက်တမ်း ကုန်ဆုံးတော့မယ့် မူစတာဖီကို အာဆင်နယ်က သက်တမ်းတိုးစာချုပ် ချုပ်ဆိုဖို့ ကမ်းလှမ်းခဲ့ပေမယ့် မူစတာဖီက လက်မခံခဲ့ဘူးလို့ ဆိုပါတယ်။ မူစတာဖီရဲ့ ဇနီးဖြစ်သူက အယ်လ်ဘေးနီးယားနဲ့ ဆွစ်ဇာလန် မိသားစုဝင်တွေဖြစ်ပြီး အနီးအနားက အီတလီမှာပဲ အခြေချဖို့ ဆန္ဒရှိနေတယ်လို့ ဆိုပါတယ်။  ဒါ့အပြင် ပြီးခဲ့တဲ့ အပြောင်းအရွှေ့ကလည်း ဂျာမနီအခြေစိုက် ကင်းထောက်တစ်ဦးကို ငှားရမ်းထားပြီး ဖြစ်တယ်လို့ သိရပါတယ်။ အသက် ၂၈ နှစ်ရှိ ဗဟိုနောက်ခံလူ မူစတာဖီဟာ ၂၀၁၆ ခုနှစ်က ဗလင်စီယာကနေ ပြောင်းရွှေ့လာခဲ့တာဖြစ်ပြီး အာဆင်နယ်အတွက် စုစုပေါင်း ၁၄၂ ပွဲမှာ ၉ ဂိုး သွင်းယူနိုင်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up