ကိုဗစ်-၁၉ လူနာ ၄၁ ဦး ထပ်မံသေဆုံး၊ လူနာသစ် ၁,၂၉၄ ဦးတွေ့ရှိ
DVB
·
October 4, 2020
ကိုဗစ်-၁၉ အတည်ပြုလူနာသစ် ၁,၂၉၄ ယောက် တွေ့ရှိခဲ့ပြီး လူနာ ၄၁ ယောက် ထပ်မံသေဆုံးခဲ့တယ်လို့ ကျန်းမာရေးနဲ့ အားကစားဝန်ကြီးဌာနက ဒီနေ့ည ၈ နာရီ ထုတ်ပြန်ပါတယ်။
အောက်တိုဘာ ၃ ရက်နေ့ ည ၈ နာရီကနေ ၄ ရက်နေ့ ည ၈ နာရီအထိ ဓာတ်ခွဲနမူနာ စုစုပေါင်း ၈,၁၀၇ ခုအား စစ်ဆေးပြီးစီးခဲ့ရာ ကိုဗစ်-၁၉ လူနာသစ် ၁,၂၉၄ ယောက် တွေ့ရှိခဲ့တာပါ။
လူနာသစ်တွေနဲ့ ပတ်သက်တဲ့ အသေးစိတ် အချက်အလက်တွေကိုတော့ ထုတ်ပြန်ကြေညာခြင်း မရှိသေးပါဘူး။
အောက်တိုဘာ ၃ ရက်နေ့က တွေ့ရှိတဲ့ တိုင်းနဲ့ပြည်နယ် ၁၁ ခုက အတည်ပြုလူနာ စုစုပေါင်း ၉၇၅ ဦးထဲမှာ ရန်ကုန်တိုင်းက ၇၁၁ ဦး၊ ရခိုင်ပြည်နယ်က ၁၁၅ ဦး၊ မန္တလေးတိုင်းက ၅၇ ဦး၊ ပဲခူးတိုင်းက ၅၄ ဦးနဲ့ အများဆုံးတွေ့ရှိခဲ့ပါတယ်။
မြန်မာနိုင်ငံမှာ ဒီနေ့ည ၈ နာရီအထိ ကိုဗစ်-၁၉ အတည်ပြုလူနာ ၁၇၇၉၄ ဦး၊ သေဆုံးသူ ၄၁၂ ဦးနဲ့ ဆေးရုံက ဆင်းခွင့်ရသူပေါင်း ၅၁၉၅ ဦး ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။
ကမ္ဘာတဝန်းမှာတော့ ကိုဗစ်-၁၉ အတည်ပြုလူနာ ၃၅ သန်းကျော်၊ သေဆုံးသူ ၁ သန်းကျော်နဲ့ ရောဂါသက်သာပျောက်ကင်းသူ ၂၆ သန်းကျော်ရှိပြီလို့ သိရပါတယ်။