ဖလမ်းမြို့အနီး အင်အား ၄ ဒသမ ၉ အဆင့်ရှိ မြေငလျင်လှုပ်
DVB
·
September 20, 2020
ချင်းပြည်နယ် ဖလမ်းမြို့ရဲ့ အရှေ့-အရှေ့မြောက်ဘက်မှာ ဒီနေ့မနက်ပိုင်းက အင်အား ၄ ဒသ ၉ အဆင့်ရှိ မြေငလျင်တခုလှုပ်ခတ်သွားတယ်လို့ မိုးဇလက ထုတ်ပြန်ပါတယ်။
စက်တင်ဘာ ၂၀ ရက်နေ့၊ မြန်မာစံတော်ချိန် ၀၈ နာရီ၊ ၂၉ မိနစ်၊ ၀၆ စက္ကန့်အချိန်က ဖလမ်းမြို့ရဲ့ အရှေ့-အရှေ့မြောက်ဘက် ၁၃ မိုင် ခန့်အကွာ၊ မြောက်လတ္တီတွဒ် ၂၂.၉၈ ဒီဂရီ၊ အရှေ့လောင်ဂျီတွဒ် ၉၃.၈၇ ဒီဂရီ၊ အနက် ၂၂ ကီလိုမီတာကို ဗဟိုပြုပြီး အင်အား ရစ်(ခ်)တာစကေး ၄.၉ အဆင့်ရှိ အင်အားအနည်းငယ်ရှိသော မြေငလျင်တခု လှုပ်ရှားသွားတယ်လို့ ဆိုပါတယ်။