Home
မြန်မာသတင်း
ငပုတောတွင် တောဆင်ရိုင်းအုပ်စုက နေအိမ်တလုံးကို တိုက်ခိုက်ခဲ့မှုကြောင့် ၁ ဦး ဒဏ်ရာရ
DVB
·
September 20, 2020
ဧရာဝတီတိုင်း​ဒေသကြီး၊ ငပု​တောမြို့နယ်​၊ တင်း​ချောင်း​ကျေးရွာအုပ်​စု၊ သစ်​တိုပင်​ကျေးရွာရှိ ​နေအိမ်​တအိမ်​ကို စက်​တင်​ဘာလ ၂၀ ရက်​မနက် ​၁ နာရီခွဲအချိန်​ခန့်က ​တောဆင်​ရိုင်းအုပ်​တ​အုပ်​ ဝိုင်းဝန်းတိုက်​ခိုက်ခဲ့တာကြောင့် အမျိုးသမီးတစ်​ဦး ဒဏ်​ရာရရှိခဲ့တယ်​လို့​ ကျေးရွာတာဝန်​ရှိသူက ပြောပါတယ်​။ သစ်​တိုပင်​ကျေးရွာအစွန်မှာ​ ​နေထိုင်​တဲ့ ဦးထွန်းရီဟာ ​နေအိမ်​မှာ တောဆင်​ရိုင်း ၈​ ကောင်​ပါတဲ့ ​တောဆင်​ရိုင်းအုပ်​က အိမ်​ကိုဝိုင်းလာပြီး ဖြိုတဲ့ပုံစံ ဝိုင်းဖျက်​ဆီးခဲ့လို့ အမျိုးသမီး ၁ ဦး ဒဏ်​ရာရရှိခဲ့တယ်​လို့ ငပု​တောမြို့နယ်​၊ တင်း​ချောင်း​ကျေးရွာအုပ်​စု အုပ်​ချုပ်​ရေးမှုး ဦး​ထွန်း​လေးက ​ပြောပါတယ်​။ “အိပ်​ပျော်​နေကြတုန်း အိမ်​ထဲဝင်​လာတာ။ အ​ဖေဖြစ်​တဲ့သူက​ အော်​လည်း​ အော်​ရော ဆင်​က အိမ်​ကို အ​ရှေ့ အ​နောက် အတင်းဝိုင်းဖြိုတဲ့ ပုံစံ​ပေါ့။ ဒဏ်​ရတဲ့​ကောင်​မ​လေးက သူ့သုံးနှစ်​သား က​လေးကို​ ခေါ်ပြီး ဆင်း​ပြေး​တော့ ကျန်​တဲ့ဆင်​တွေကပါ သူ့ကိုလိုက်​နင်းတာ ကံ​ကောင်းလို့ မ​သေတာ။” တောဆင်​ရိုင်းအုပ်​ ဝိုင်းဝန်းတိုက်​ခိုက်​ခံရတဲ အသက် ​၂၁ နှစ်​အရွယ်​ နော်​တူးမကို ကျန်းမာ​ရေး​စစ်​ဆေးမှုတွေ ပြုလုပ်​ပြီး​နောက် ​ပုသိမ်​မြို့အ​ထွေ​ထွေ​ရောဂါကု​ဆေးရုံကြီးကို ဆက်​လက်​ပို့​ဆောင်​ ကုသ​ပေး​နေ​တယ်လို့ သိရပါတယ်​။ ဩဂုတ်​ ၂ ရက်​နေ့ကလည်း ငပု​တောမြို့နယ်​၊ ပိုး​လောင်း​ကျေးရွာအုပ်​စုက ​ဒေသခံ​တွေ စိုက်​ပျိုးထားတဲ့ လယ်​မြေတွေကို​ တောဆင်​ရိုင်း​အုပ်​တွေ ဝင်​ရောက်​လာလို့ ကွန်​ဂျီဆင်​တွေနဲ့ တောတွင်းကို ပြန်​လည်​မောင်းထုတ်​ခဲ့ရတယ်လို့ ​ဒေသခံ​တွေဆီကနေ သိရပါတယ်​။ ငပု​တောမြို့နယ်​ရှိ သစ်​တောကြိုးဝိုင်းတွေထဲမှာ တောဆင်​ရိုင်းအုပ်​တွေ လှည့်​လည်​ ကျက်စား​နေပြီး ၂၀၂၀ ပြည့်နှစ်​အတွင်း ဆင်​သတ်​မုဆိုး​တွေ ပစ်​ခတ်​သတ်ဖြတ်​မှုကြောင့်​ တောဆင်​ရိုင်းတစ်​ကောင်​ သေဆုံးခဲ့ပြီး အဆိပ်ရှိ သတ္တဝါ အကိုက်​ခံရမှုကြောင့်​လည်း​ တောဆင်​ရိုင်းတစ်​ကောင်​ သေဆုံးခဲ့​တာရှိတယ်​လို့ ရဲတပ်​ဖွဲ့ရဲ့ မှတ်​တမ်း​တွေအရ သိရပါတယ်​။ သတင်း - မင်းထက်​မုန်း (ပုသိမ်​)၊ ဓာတ်​ပုံ - ကိုထွန်း​လေး
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024