Homeမြန်မာသတင်း
ပဲခူး ပိုးတွေ့လူနာ ဖုန်းအော်ပရေတာ အမျိုးသမီးနှင့်ထိတွေ့ခဲ့သူများကို Quarantine ထားရှိ
ပဲခူး ပိုးတွေ့လူနာ ဖုန်းအော်ပရေတာ အမျိုးသမီးနှင့်ထိတွေ့ခဲ့သူများကို Quarantine ထားရှိ
DVB
·
September 12, 2020
ပဲခူးမြို့ ICON မှာ အလုပ်လုပ်တဲ့ တယ်လီဖုန်းအော်ပရေတာ ၀န်ထမ်းအမျိုးသမီးမှာ ကိုဗစ်-၁၉ ရောဂါပိုးတွေ့ရှိတဲ့အတွက် ကလိဆေးရုံကို ပို့ဆောင်ကုသထားပြီး ထိတွေ့ခဲ့သူတွေကို ပဲခူးတက္ကသိုလ်မှာ Quarantine ၀င်ခိုင်းထားပါတယ်။
ကျန်းမာရေး၀န်ကြီးဌာနကနေ စက်တင်ဘာလ ၁၁ ရက်နေ့ည ၈ နာရီထုတ်ပြန်ချက်အရ ကိုဗစ်-၁၉ အတည်ပြုလူနာအသစ် ၁၅၇ ထပ်မံတွေ့ရှိတဲ့ထဲမှာ ပဲခူးမြို့က အတည်ပြုလူနာ ၁ ဦး ပါ၀င်ခဲ့တာပါ။
အခုတွေ့ရှိတဲ့ ပဲခူးမြို့က အတည်ပြုလူနာက ပဲခူးမြို့ နာရီစင်အနီး ICON အပေါ်ဆုံးထပ်မှာ အလုပ်လုပ်တဲ့ အသက် ၂၂ နှစ်အရွယ် တယ်လီဖုန်းအော်ပရောတာ အမျိုးသမီး၀န်ထမ်း ၁ ဦး ဖြစ်တယ်လို့ ဆိုပါတယ်။
သူက စက်တင်ဘာ ၉ ရက်နေ့ကတည်းက အနံ့မရလို့ဆိုပြီး ကျန်းမာရေးဌာနကို အကြောင်းကြားတဲ့အတွက် ပဲခူးပြည်သူ့ဆေးရုံမှာ သံသယလူနာအဖြစ်ထားရှိကာ ဆေးကုသခံယူနေသူဖြစ် တယ်လို့ ပဲခူးမြို့နယ်ကျန်းမာရေးဦးစီးမှူး ဒေါက်တာရန်နိုင်ရှိန်းက ပြောပါတယ်။
သူ အလုပ်လုပ်ခဲ့တဲ့ ICON ကိုလည်း စက်တင်ဘာ ၁၀ ရက်နေ့ကတည်းက ပိတ်ခိုင်းထားပြီး ပိုးသက်ဆေးဖျန်းတာတွေ လုပ်ဆောင်ထားတယ်လို့ ဆိုပါတယ်။
အဲဒီအမျိုးသမီး အလုပ်လုပ်တဲ့ ICON က တယ်လီဖုန်းအော်ပရေတာ ရုံးခန်းအတွင်းမှာ သူနဲ့အတူတူ လုပ်ဖော်ကိုင်ဖက် ၂ ဦးရှိတယ်လို့ ဆိုပါတယ်။
ပိုးတွေ့လူနာအဖြစ် အတည်ပြုလိုက်ပြီးနောက် မိဘတွေနဲ့ အတူအလုပ်လုပ်တဲ့ ၀န်ထမ်း ၂ ဦး၊ အလုပ်သွားအပြန် ကြိုပို့လုပ်ပေးတဲ့ ဆိုင်ကယ်သမားမိသားစု အပါအဝင် ၁၁ ဦးကို Home Quarantine ထားရာကနေ ပဲခူးတက္ကသိုလ်မှာ Facility Quarantine ဝင်ခိုင်းထားတယ်လို့ ပဲခူးမြို့နယ်ကျန်းမာရေးဦးစီးမှူးက ပြောပါတယ်။
အခု ပဲခူးမြို့က အတည်ပြုလူနာ အမျိုးသမီးနဲ့ပါဆို ပဲခူးတိုင်းအတွင်းမှာ ရောဂါပိုးတွေ့ရှိသူ ၅၁ ဦးထိရှိပြီး လက်ရှိအခြေအနေမှာ အားလုံးကျန်းမာရေးကောင်းမွန်ကြတယ်လို့ သိရပါတယ်။
သတင်း - အောင်စိုးမိုး
သူ အလုပ်လုပ်ခဲ့တဲ့ ICON ကိုလည်း စက်တင်ဘာ ၁၀ ရက်နေ့ကတည်းက ပိတ်ခိုင်းထားပြီး ပိုးသက်ဆေးဖျန်းတာတွေ လုပ်ဆောင်ထားတယ်လို့ ဆိုပါတယ်။
အဲဒီအမျိုးသမီး အလုပ်လုပ်တဲ့ ICON က တယ်လီဖုန်းအော်ပရေတာ ရုံးခန်းအတွင်းမှာ သူနဲ့အတူတူ လုပ်ဖော်ကိုင်ဖက် ၂ ဦးရှိတယ်လို့ ဆိုပါတယ်။
ပိုးတွေ့လူနာအဖြစ် အတည်ပြုလိုက်ပြီးနောက် မိဘတွေနဲ့ အတူအလုပ်လုပ်တဲ့ ၀န်ထမ်း ၂ ဦး၊ အလုပ်သွားအပြန် ကြိုပို့လုပ်ပေးတဲ့ ဆိုင်ကယ်သမားမိသားစု အပါအဝင် ၁၁ ဦးကို Home Quarantine ထားရာကနေ ပဲခူးတက္ကသိုလ်မှာ Facility Quarantine ဝင်ခိုင်းထားတယ်လို့ ပဲခူးမြို့နယ်ကျန်းမာရေးဦးစီးမှူးက ပြောပါတယ်။
အခု ပဲခူးမြို့က အတည်ပြုလူနာ အမျိုးသမီးနဲ့ပါဆို ပဲခူးတိုင်းအတွင်းမှာ ရောဂါပိုးတွေ့ရှိသူ ၅၁ ဦးထိရှိပြီး လက်ရှိအခြေအနေမှာ အားလုံးကျန်းမာရေးကောင်းမွန်ကြတယ်လို့ သိရပါတယ်။
သတင်း - အောင်စိုးမိုး