Email This Story :
သမ္မတအိမ်တော် သတင်းနှင့်ပြန်ကြားရေးအဖွဲ့ သမ္မတရုံးလက်ထောက်ညွှန်ကြားရေးမှူး ဦးညီညီထွန်း ကိုဗစ်-၁၉ ရောဂါကူးစက်ခံရတယ်လို့ နေပြည်တော်ပြည်သူ့ကျန်းမာရေးဦးစီးဌာနက ဒုတိယညွှန်ကြားရေးမှူးချုပ် ဒေါက်တာမြတ်ဝဏ္ဏစိုးက ဒီဗွီဘီကို အတည်ပြုပြောပါတယ်။
စက်တင်ဘာ ၇ ရက်နေ့မှာ ပုံမှန်ဆေးစစ်တဲ့အချိန်မှာ ရောဂါပိုးတွေ့ရှိခဲ့တာ ဖြစ်ပြီး ရောဂါလက္ခဏာနဲ့ပတ်သက်လို့ ခံစားခဲ့ရတာမရှိကြောင်းနဲ့ လက်ရှိမှာတော့ ဆေးရုံတင်ထားပြီး စောင့်ကြည့်နေတယ်လို့ ဆိုပါတယ်။
လက်ရှိ မြန်မာနိုင်ငံမှာ ကိုဗစ်-၁၉ ရောဂါအတည်ပြုလူနာပေါင်း ၁၈၀၇ ယောက်ရှိပြီး ရောဂါပိုးပျောက်ကင်းလို့ ဆေးရုံကဆင်းသွားခဲ့သူ ၄၆၀ ယောက်နဲ့ သေဆုံးသွားသူ ၁၂ ယောက်ရှိပါတယ်။
