A d v e r t i s e m e n t With Us

လူအစုလိုက်သတ်ဖြတ်မှုကို ကြီးကြပ်ခဲ့သူ ခမာနီတပ်မှူး ရဲဘော် ဒတ်ချ်ကွယ်လွန် 

ကမ္ဘောဒီးယားပြည်သူ ၁၄,၀၀၀ ထက်မနည်း အစုလိုက်သတ်ဖြတ်မှုကို ကြီးကြပ်ခဲ့သူ ရဲဘော် ဒတ်ချ်လို့ နာမည်ကြီးတဲ့ ခမာနီတပ်မှူးဟာ စက်တင်ဘာ ၂ ရက်က အသက် ၇၇ နှစ်အရွယ်မှာ ကွယ်လွန်သွားခဲ့ပါတယ်။ ရဲဘော်ဒတ်ချ် ခေါ် ခန်ဂတ်အီဟာ ပထမဆုံး တရားရင်ဆိုင်ရတဲ့ ခမာနီခေါင်းဆောင်ပိုင်း အဖွဲ့ဝင်တစ်ဦး ဖြစ်ပါတယ်။ ၁၉၇၅ ကနေ ၁၉၇၉ ခုနှစ်အတွင်း ကမ္ဘောဒီးယားက လူသတ်ကွင်းတွေမှာ လူပေါင်း ၁ ဒသမ ၇ သန်းထက်မနည်း သေဆုံးခဲ့တဲ့အတွက် အပြစ်တင်ခံရတဲ့ အစိုးရအဖွဲ့မှာ ပါဝင်ခဲ့မှုအတွက် သူဟာ တရားရင်ဆိုင်ရတာပါ။ သူဟာ နာမည်ကျော် တွမ်းဆလန်းအကျဉ်းထောင်မှာ လူအစုလိုက်သတ်ဖြတ်မှုတွေကို ကြီးကြပ်ခဲ့ရတဲ့ အကျဉ်းထောင်မှူး  ဖြစ်ပါတယ်။ ခမာနီခုံရုံးက သူ့ကို ထောင်ဒဏ် တသက်တကျွန်းချမှတ်ခဲ့သလို သူကလည်း သူ့ပြစ်မှုတွေအတွက် နောင်တရမိကြောင်း ပြောဆိုခဲ့ပါတယ်။ ရဲဘော်ဒတ်ချ်ဟာ မြို့တော်ဖနွမ်းပင်က ခမာနီ ဆိုဗီယက်ချစ်ကြည်ရေးဆေးရုံမှာ ကွယ်လွန်ခဲ့တယ်လို့ ခမာနီခုံရုံး ပြောခွင့်ရပုဂ္ဂိုလ်က ပြောဆိုပေမဲ့ သေဆုံးရတဲ့ အကြောင်းရင်းကိုတော့ မပြောခဲ့ဘူးလို့ ရိုက်တာသတင်းမှာ ဖော်ပြပါတယ် ခမာနီ အစိုးရ လက်ထက်က လူအစုလိုက် သတ်ဖြတ်မှုတွေ ကျူးလွန်ခဲ့ရာ တွမ်းဆလန်း အကျဉ်းထောင်ကိုလည်း အခုအခါ  လူမျိုးတုံးသတ်ဖြတ်မှု ပြတိုက်အဖြစ် ပြောင်းလဲထားပါတယ်။

A d v e r t i s e m e n t With Us

More News
Up