A d v e r t i s e m e n t With Us

ပြည်တွင်းလေကြောင်းခရီးစဉ်ဖြင့် ရခိုင်ပြည်နယ်မှ ရန်ကုန်သို့ လိုက်ပါခဲ့သူများစာရင်း

ပြည်တွင်းလေကြောင်းခရီးစဉ်တွေနဲ့ ရခိုင်ပြည်နယ်မှ ရန်ကုန်မြို့သို့ လိုက်ပါခဲ့သူများ စာရင်းကို ကျန်းမာရေးနှင့်အားကစားဝန်ကြီးဌာနက ထုတ်ပြန်ကြေညာထားပါတယ်။ ကိုဗစ်-၁၉ ရောဂါ ကူးစက်ပျံ့နှံ့မှုကို အချိန်မီထိန်းချုပ်နိုင်ဖို့ ပြည်သူတွေအနေနဲ့  ဩဂုတ် ၁၀ ရက်က စပြီး ရခိုင်ပြည်နယ်၊ စစ်တွေမြို့နယ်နဲ့ ရခိုင်ပြည်နယ် အတွင်းရှိ ရောဂါကူးစက်ဖြစ်ပွားမှုတွေရှိတဲ့ မြို့နယ်များသို့ / မှ ခရီးသွားလာမှုတွေရှိပါက မိမိအသိစိတ်နဲ့ ချက်ချင်းသတင်းပေးပို့ကြဖို့လည်း ကျန်းမာရေးနှင့်အားကစားဝန်ကြီးဌာနက သတိပေးနှိုးဆော်ပန်ကြားထားပါတယ်။  ဩဂုတ် ၁၀ ရက်က စပြီး ပြည်တွင်းလေကြောင်းခရီးစဉ်တွေနဲ့ ရခိုင်ပြည်နယ်မှ ရန်ကုန်မြို့သို့ လိုက်ပါခဲ့သူတွေအနေနဲ့  တိုင်းဒေသကြီး/ ပြည်နယ်များရှိ နီးစပ်ရာ ကျန်းမာရေးဌာနတွေနဲ့ အုပ်ချုပ်ရေးအဖွဲ့အစည်းတွေကို ချက်ချင်းသတင်းပို့ ကျန်းမာရေးစစ်ဆေးမှုခံယူဖို့ လိုတယ်လို့ ဆိုပါတယ်။ ဒါမှသာ မိမိမှာ ရောဂါကူးစက်မှုရှိပါက အချိန်မီကုသမှုခံယူနိုင်မှာဖြစ်ပြီး မိမိကတစ်ဆင့် မိမိ မိသားစုနဲ့ နီးစပ်ရာတွေကို ရောဂါကူးစက်မှုမှ ကာကွယ်နိုင်မှာဖြစ်လို့ သတင်းပေးပို့ ကျန်းမာရေးစစ်ဆေးမှုခံယူဖို့နဲ့ သတင်းပေးပို့ရန် ပျက်ကွက်သူတွေကို သဘာဝဘေးအန္တရာယ်စီမံခန့်ခွဲမှုဥပဒေနဲအရေးယူမယ်လို့ အသိပေးနှိုးဆော်ပန်ကြားထားပါတယ်။ အဆိုပါ ခရီးသည်တွေရဲ့ ဖုန်းနံပါတ်တွေကိုလည်း ပို့ဆောင်ရေးနှင့်ဆက်သွယ်ရေး ဝန်ကြီးဌာနနဲ့ ကျန်းမာရေးနှင့်အားကစားဝန်ကြီးဌာနတို့မှာ စုစည်းထားရှိပြီးဖြစ်တယ်လို့ သိရပါတယ်။ ဩဂုတ် ၁၀ ရက်မှ ၂၁ ရက်နေ့အတွင်း ပြည်တွင်းလေကြောင်းခရီးစဉ်တွေနဲ့ ရခိုင်ပြည်နယ်မှ ရန်ကုန်မြို့သို့ လိုက်ပါခဲ့သူ စာရင်းကို  အောက်ပါလင့်ခ်မှာ ကြည့်ရှုနိုင်ပါတယ်။ https://www.facebook.com/MinistryOfHealthAndSportsMyanmar/photos/pcb.3722412117788066/3722398977789380/?type=3&theater
Tags
ပြည်တွင်းလေကြောင်းခရီးစဉ်ရခိုင်ပြည်နယ်မှ ရန်ကုန်သို့ လိုက်ပါခဲ့သူများစာရင်း
© Copyright 2020 DVB Designed and Developed by Digit X Myanmar.
Up