အမေဇုန်တောမီးကြောင့် ကိုရိုနာကပ်ဘေးသေဆုံးမှု ပိုဆိုးစေနိုင်ဟု သုတေသီများ သတိပေး

ဘရာဇီးနိုင်ငံ အမေဇုန်တောမှာ လောင်နေတဲ့ တောမီးက အနားကမြို့တွေရဲ့ လေထု အရည်အသွေးကို ပိုဆိုးစေလို့ နိုင်ငံတွင်း ကိုရိုနာဗိုင်းရပ်စ်ကူးစက်ကပ်ဘေးကြောင့် လူသေဆုံးနှုန်းကို ပိုဆိုးရွားလာစေတယ်လို့ သုတေသီတွေက သြဂုတ် ၂၆ ရက်မှာ သတိပေးလိုက်ပါတယ်။  ၂၀၁၉ တောမီးတွေကြောင့် အသက်ရှူလမ်းကြောင်း ဝေဒနာခံစားရတဲ့အတွက် လူ ၂၁၉၅ ယောက် ဆေးရုံတက် ကုသခဲ့ရတယ်လို့ သုတေသီတွေက ခန့်မှန်းထားပါတယ်။  လတ်တလော တောမီးတွေဟာ ကိုဗစ်-၁၉ ရောဂါလက္ခဏာတွေကို ပိုဆိုးစေနိုင်လို့ ပိုပြင်းထန်တဲ့ ဝေဒနာကို ခံစားရစေပြီး သေဆုံးသည်အထိ ဖြစ်စေနိုင်တယ်လို့ လူ့အခွင့်အရေး စောင့်ကြည့်လေ့လာရေးအဖွဲ့ Human Rights Watch က သတိပေးခဲ့ပါတယ်။  အစိုးရက ထုတ်ပြန်တဲ့ ကိန်းဂဏန်းတွေအရ သြဂုတ်ရဲ့ ပထမ ၁၂ ရက်အတွင်း လောင်တဲ့ တောမီးအရေအတွက်က မနှစ်က ခုလိုအချိန်မှာ လောင်တဲ့ တောမီးအရေအတွက်နဲ့ အတူတူ လောက်ပဲလို့ ရိုက်တာသတင်းဌာနက ဖော်ပြပါတယ်။  ဒါပေမယ့် ဇူလိုင်လထိ ၁၂ လအတွင်း သစ်တောပြုန်းတီးမှုနှုန်းကတော့ မနှစ်ကနဲ့ စာရင် ၃၄.၅ ရာခိုင်နှုန်း တိုးလာခဲ့ပါတယ်။  သစ်တောပြုန်းတီးမှု တိုက်ဖျက်ရေးနဲ့ တောမီးတွေ ငြှိမ်းသတ်ရေးအတွက် သမ္မတက စစ်တပ်ကို မေလကစပြီး စေလွှတ် တပ်ချထားပါတယ်။  ဒါပေမယ့် အလုပ်ဖြစ်ပါ့မလားလို့ သဘာဝပတ်ဝန်းကျင်ပညာရှင်တွေက မေးခွန်းထုတ်ခဲ့ ကြပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up