A d v e r t i s e m e n t With Us

ကော့သောင်းမြို့က ကိုဗစ်-၁၉ လူနာအမှတ် ၃၅၃  ဆေးရုံမှဆင်းခွင့်ရ 

ထိုင်းနိုင်ငံကနေ ပြန်လာသူတွေထဲက ကိုဗစ်-၁၉ ရောဂါပိုး တွေ့ရှိသူ လူနာအမှတ် ၃၅၃ ကို ဒုတိယအကြိမ်နဲ့ တတိယအကြိမ် စစ်ဆေးရာမှာ ပိုးမတွေ့ရတော့လို့ ဆေးရုံဆင်းခွင့်ပေးလိုက်ပြီလို့ ကော့သောင်းခရိုင် ဆေးရုံအုပ် ဒေါက်တာလင်းထိုက်က ပြောပါတယ်။ “လူနာဟာ ပိုးစတွေ့တဲ့​နေ့ကတည်းက အခုအချိန်ထိ ကျန်းကျန်းမာမာ ရှိတယ်။ အထွေအထူးရောဂါဖြစ်တာမျိုးလည်း မရှိဘူး။ ကျနော်တို့ကတော့ စရောက်လာကတည်းက အထူးကြပ်မတ်ဆောင်မှာ ထားတယ်။ ဆေးကျွေးတယ်၊ စောင့်ကြည့်တယ်၊ သတ်မှတ်ရက်ပြည့်လို့ တို့ဖတ် ယူတယ်။ ဒုတိယအကြိမ် မတွေ့ဘူး။ တတိယအကြိမ် ထပ်ယူတယ်။ ပိုးမတွေ့ဘူးဆိုတော့ အခုဆေးရုံက ဆင်းခိုင်းပြီး Q ဝင်ခိုင်းထားတယ်။ ၁၄ ရက် စောင့်ကြည့်ဦးမယ်”လို့  ပြောပါတယ်။ အဆိုပါလူနာကို ၁၄ ရက် အသွားအလာကန့်သတ် စောင့်ကြည့်ဖို့ နဝရတ်အားကစားရုံ Quarantine Center မှာထားရှိမှာ ဖြစ်တယ်လို့လည်း သိရပါတယ်။ သတင်း - လတ်ကိုကိုဦး

A d v e r t i s e m e n t With Us

More News
Up