ရန်ကုန်တိုင်းတွင် ကိုယ်စားလှယ်လောင်း ၉၅၄ ဦး ရွေးကောက်ပွဲဝင်ပြိုင်မည်

ရန်ကုန်တိုင်းဒေသကြီးမှာ ၂၀၂၀ ရွေးကောက်ပွဲဝင်ရောက်ယှဉ်ပြိုင်မယ့် ကိုယ်စားလှယ်လောင်း စုစုပေါင်း  ၉၅၄ ဦး ရှိနေတယ်လို့ ရန်ကုန်တိုင်း ရွေးကောက်ပွဲကော်မရှင်အဖွဲ့ခွဲကနေ သိရပါတယ်။ မူလကကိုယ်စားလှယ်လောင်း  ၉၅၇ ဦး အမည်စာရင်း တင်သွင်းထားတာဖြစ်ပြီး အဲဒီထဲက  ၃ ဦးကတော့ လျှောက်လွှာပြန်ရုပ်သိမ်းသွားတယ်လို့  ရန်ကုန်တိုင်းဒေသကြီး ရွေးကောက်ပွဲကော်မရှင်အဖွဲ့ခွဲ အဖွဲ့ဝင် ဦးကျော်မိုးကြည်က ပြောပါတယ်။ နိုင်ငံရေးပါတီ ၄၃ ပါတီကို ကိုယ်စားပြုတဲ့ ကိုယ်စားလှယ်လောင်း ၉၂၂ ဦးနဲ့ တစ်သီးပုဂ္ဂလ ကိုယ်စားလှယ်လောင်းအဖြစ် တင်သွင်းသူ ၃၂   ဦးတို့ ပါဝင်ယှဉ်ပြိုင်ကြမှာ ဖြစ်ပါတယ်။  ပြည်သူ့လွှတ်တော်နေရာ ၂၉၅ ဦး ၊ အမျိုးသားလွှတ်တော်နေရာ ၇၂ ဦးနဲ့ တိုင်းဒေသကြီးလွှတ်တော်နေရာ ၅၇၃ ဦး၊ ရခိုင်တိုင်းရင်းသားရေးရာဝန်ကြီး နေရာ  ၆ ဦး၊ ကရင်တိုင်းရင်းသားရေးရာ  ၇ ဦး စုစုပေါင်း  ၉၅၄ ဦး အမည်စာရင်း တင်သွင်းခဲ့တာပါ။ လက်ရှိမှာ ကိုယ်စားလှယ်လောင်း လျှောက်လွှာတွေကို ဥပဒေပါ ပြဋ္ဌာန်းချက်နဲ့ ကိုက်ညီတာ ရှိ၊ မရှိ  သြဂုတ် ၁၁ ရက်မှ ၁၇ ရက်အထိ လွှတ်တော်အလိုက် ကိုယ်စားလှယ်လောင်းရွေးချယ် စိစစ်ရေးအဖွဲ့က  စစ်ဆေးဆောင်ရွက်နေပါတယ်။ သတင်း- နန့်ခိုင် 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up